域 流亦詩
域 流亦詩
域 流亦詩

又關土地事?

2018/08/20 15:51:18 網誌分類: 講府
20 Aug

 

阿一雖有話事權

無奈老闆不咬弦

七上八落難適應

搞你唔搞佢玩完

 

呢嗱、一直以來、揸拂人都在埋怨受到土地不足所累、以致有興建公居之志而無可用之地。今屆揸拂人炒冷飯般的重提出前人建議嘅開土闢地、填海造地、以及打郊嘢公園主意。坦白講、這些所謂建議如果行得通嘅話、就唔使等到今時今日啦!也許揸拂人認為「大傻解」可以改變反對人士嘅立場都未定。但除咗揸拂人自己之外、機乎沒有其他人持同樣睇法。難怪社會上有人指揸拂人一直在這問題上拉布啦!嗱、現在嘅問題係、究竟罪惡城係真的沒有興建公居嘅土地、抑或係政策上出現嚴重問題?社會上開始有聲音指出、問題並不在於土地不足、而係揸拂當局犯咗策上嘅錯誤。

 

別的不說、只係講講本城空置嘅農地十之八九都已經落有地產乜乜手上。只要揸拂堂批准書一到手嘅話、即將變成為石屎森林。俗語都有講啦、普天之下莫非皇土吖嘛!嘅然土地使用者必須要向揸拂堂繳納地租、即證明土地擁有權是為公家所有。既然地權係公家嘅、豈容班友仔私相授受?究竟地管部係咪又盲又聾嘅呢?其實今日嘅土地問題、是起源於前老番揸拂時、容許土地使用者買賣土所造成。按照目前情況看來、地產乜乜在邊疆屯積起大批農地等運到。之不過、是否批准土地改變用途、仍然係由揸拂人話事。嘅然手上擁有這張皇牌、點解揸拂人還不去跟那群乜乜來個討價還價、並以合理價錢收回部份土地來興建公居呢?須知到、沒有揸拂人批准、地產乜乜亦係得地無所用。依我睇、生意人絕對唔會同銀兩過唔去嘅。曾有報導指、沽窿區大批被前揸拂人凍結嘅土地已經鬆綁、並獲准改變用途。既然係咁、點解揸拂人仍然兩手空空嘅?曾經有圈內人講過、由於縣太爺係由那群乜乜造就出來、所以很多事情都身不由己。講到呢道、相信大家都心裡明白、何解防毒法不能開車、而政改又係一波三折、冇次搞得成啦!係嘛?!

 

 

回應 (0)
我要發表
user

最新回應

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!

萬大有商量
萬大有商量 2018/08/21

請君多多保重 ,健康快樂年年。

花姐
花姐 2018/08/21

為何離開,每天看你的文章,有共鳴的,也有是不懂的,不過在這裡交的博友,都使我有得著,也許離去是你覺得最好的選擇,亦希望很

快又在頭條網看你寫的文章,多多保重。

花姐