逢週六《頭條》加料小董《養生週報》本週隆重推出

2018/09/20 04:12:56 網誌分類: 生活

20 Sep

        　　小董一直以嚟喺《頭條日報》開專欄，教曉大家唔少輕鬆養生貼士，小弟都偷學唔少。今次小董推出《養生週報》，更加係加料炮製，逢週六喺《頭條日報》推出四大版養生專刊，頭炮喺本週六即係九月二十二號推出，呢期仲搵到倪匡做訪問，講一下開心人生，其他專題內容仲包括講解靈芝嘅種類及功效、病向淺中醫系列裏面會解說子宮肌瘤、仲會教你如何藥膳調理風濕痹痛、亦會較量食米嘅價格同味道，以及小董執筆、載譽歸來嘅「似懂非懂」文章，內容係咪好豐富呢？

        　　不過小弟提一下大家，要攞呢份《養生週報》，唔係份份週六派發嘅《頭條日報》都有，只有喺東鐵（上水、羅湖及馬場除外）、西鐵及馬鐵嘅《頭條日報》派發點派發嘅報紙至有，想攞要去啱地點呀！

        Jacky哥