點都要去皇東節 品絕版威士忌
2018/11/06 04:13:03 網誌分類: 生活
由合和實業有限公司主辦嘅「出奇歡樂皇東節」會喺17號揭幕，而皇東品酒之旅會喺下午2點展開，至於18、24及25號會舉行皇東節嘉年華。講返個皇東品酒之旅，酒迷可以喺當日憑門票參加威士忌專家講座，並且喺灣仔The East同利東街近20個品酒熱點，盡情品嚐嚟自世界各地超過80款威士忌，當中仲包括咗多款絕版、珍藏級同得獎級威士忌，參加者可喺每一個品酒熱點內挑選一款試飲份量嘅威士忌或無酒精雞美酒品嚐。現場仲有多款精緻小食、音樂同埋表演節目！17號嗰日仲有Vinvautz攝影比賽，參加者有機會贏取價值2千幾蚊嘅Vinvautz 18支酒櫃一個。提一提大家皇東品酒之旅嘅門票由即日起網上發售，門票售價港幣$268元，四人同行優惠更低至港幣$198，所有門票收益扣除基本開支後，將全數撥捐慈善機構膳心連，大家又可品美酒、又可做善事，千祈咪錯過啊！
至於重頭節目「皇東節嘉年華」會喺灣仔合和中心地下露天廣場及利東街舉行。節目十分多元化，包括有本地音樂人李拾壹、Mr. Rocket Head 及 Clara Lee喺合和中心地下露天廣場現場音樂表演，仲有香港弦樂團及青年色士風演奏家孫穎麟為大家帶嚟一場音樂盛宴，另外仲有Funky Dance、Salsa Dance舞蹈演出，稱得上嘉年華當然少不了小丑、魔術表演，同埋適合一家大細嘅工作坊，譬如有Flying Logos雲朵工作坊、速剪輪廊工作坊、香薰防蚊擴香石工作坊同埋防蚊孖寶工作坊！不過小弟覺得最值得一睇係由本地藝術家麥震東所創作嘅一幅巨型畫作，佢仲將灣仔地標元素加入其中，展示灣仔活力嘅一面，呢幅畫作就係擺喺灣仔合和中心地下露天廣場畀大家拍照留念。想知多啲可以上http://www.qre.cpm.hk/睇吓！
Jacky哥
回應 (0)
我要發表