無內涵的名牌【粉絲】

       星期六睇報紙見到LV廣東道新店開幕。LV推出限量版 (Monogram Miroir Bellevue) 手袋。金色只限尖沙咀有得買，銀色剩係俾中環賣。

        我依啲 cheap 精，更係想跟紅頂白，無錢買都想會吓佢。星期日去到中環離遠見到櫥窗 show 咗啲銀色袋，我諗住無死啦無駛入去睇，點知近睇至知唔係呢款，為有樣衰衰咁入去八吓。

        終於見到佢真身，實物同相真想差唔多，有貴氣重好閃添。不過見人試該陣就覺得有啲唔對路，有啲熟口熟面。呀！似大班冰皮月餅啲保温袋。

       我問啲 sale 屎呢個袋幾錢啦？嘩！差唔多成萬四銀，重話無曬貨。 我又問：「報紙話你啲今日開始賣，咁快就賣曬？」個靚女好自豪咁答：「尋日已經賣曬，傳媒訊息唔係好 ｕｐ ｄａｔｅ 。」

     咁無法啦，我有錢都買唔到。 為有中秋買盒冰皮囉個保温袋止吓咳。

＊ 以上文字全用香港口語及大量白字表述，如閱讀時引起各方困難及不安，請多多包涵。