北角新地標 集Stay & Shop
2018/12/14 04:13:00 網誌分類: 生活
先講個商場，裏面八間食肆中有六間高級粵菜同和風特色食肆係首次喺香港開業，零售方面都有二十幾個星級彩妝護膚品牌進駐，據講之後仲陸續會有更多時裝、珠寶、旅遊同電子用品等商戶。新鴻基地產發展代理租務部總經理鍾秀蓮同小弟講，呢度三期商場合共有四百二十米海濱長廊、近十六萬平方呎嘅綠化公共休憩空間，仲有大型露天廣場等，補足咗北角休閒設施不足嘅問題。
講到酒店，係以雙子式大樓組成，全部有六百六十五間客房同套房，至特別係頂樓嘅高級餐廳CRUISE係區內唯一嘅空中餐廳及酒吧，酒店設施仲好強，包括二十五米室外游泳池、按摩池、有VR模擬飛行健身器材嘅健身室、桑拿房、蒸氣浴室等。小弟覺得最先進係酒店引入智能技術，亦係全港首家設置自助入住專櫃嘅酒店，大家可以由訂房至入住到退房，都可透過手機應用程式，唔使特別排隊咁花時間。
而家去北角匯仲有個獨特賣點，就係設置咗全港首個以園藝及燈籠做主題嘅聖誕裝置「Harbour North x SnoopyTM Christmas Garden」，Snoopy、Charlie Brown同Lucy會喺商場各樓層，以立體園藝造型示人，充滿歐式花園氣息。另外，商場設全港獨家期間限定「SnoopyTM甜點花園」，大家消費滿指定金額，可換購限時任食造型甜品放題，又或者換SnoopyTM限量版首飾箱。提一下大家數量同名額有限，先到先得換完即止。花生fans呢個月去，記得要試埋海匯酒店Hotel VIC The Farmhouse嘅Snoopy Tea Set，又或者史諾比窩夫套餐呀！
Jacky哥
回應 (0)
我要發表