旺角一田新店「升呢」 頭炮推北海道美食 哈日族興奮
2019/01/17 04:12:15 網誌分類: 生活
位於MOKO商場嘅旺角店,將由原本三樓升上頂層嘅五樓,佔地大咗,近一萬九千呎,比原先大咗五成五。
Susanna介紹,新店位於頂樓,設計多啲引入自然光。而第一炮就令Kelly身邊嘅「哈日族」好興奮,一田獲北海道政府支持,由今日起到二十日喺商場中庭舉辦北海道嘅美食展,唔單止有北海道人氣手信,例如「薯條三兄弟」等,期間有限定工作坊,大家可以親手整芝士、水晶雪球,啱晒親子!
新店二十日開幕後,推出「邊食邊買邊學」概念,大家買咗靚牛肉後,即場睇埋點整之後,可以叫師傅即場煮來食!新店仲有好多限定商品,好似草莓牛角包,Kelly試過,十分鬆軟同滿滿嘅草莓味!新店推廣期一直去到二十四日,優惠多多,大家咪走寶!
Susanna仲透露擴展大計,沙田店有望喺今年重開,未來仲有兩間新店開幕,一間喺北角匯,另一間Susanna唔肯透露太多,凈係話喺新界,並且以非超市、非百貨嘅新模式經營。
Kelly Chu
■一田超市(旺角)CEO黃思麗。
■旺角店佔地大咗,近一萬九千呎,比原先大咗五成五。
回應 (0)
我要發表