木水火
木水火
木水火

「假人騷」搵演員扮新來港街坊 製造公屋分配矛盾

2019/01/28 23:00:00 網誌分類: 新聞道德及傳媒誠信破產
28 Jan

不過,唔少心水清嘅網民都睇得出條片有古怪,覺得俾人家訪個師奶「啲戲好假」、「口音似係扮」。「LauSiu QB Kiuby」就踢爆︰「最尾果(嗰)個呀姐係ViuTV《對不起 標籤你》第十集扮『強國人』果(嗰)個香港人黎(嚟)嘅。」「Tang Daisok Lin」就起埋嗰位「師奶」底,指出佢根本係舞台劇演員,叫黃劍冰,「用舞台劇演員扮大陸(內地)人受訪者,ViuTV都幾低手,以為咁樣可引起『中港矛盾』。」 {#icono0_31}

【網議政事】搵人扮「街坊」做家訪 ViuTV醜化新來港者

2019-01-28

為咗挑動兩地矛盾,電視台真人騷變「假人騷」?ViuTV日前播出嘅《買樓狂想#曲》,聲稱幾個主持人喺水泉澳邨嘅街訪搵唔到「本土香港人」,仲搵咗個有奇怪鄉音嘅「街坊」上去做家訪,扮係訪問新來港人士,「街坊」仲喺節目度話特區政府對佢哋「應該可以再好啲」,又話自己有好幾個同鄉住附近𠻹。節目出街當然引嚟唔少人鬧爆新來港人士「霸公屋」,不過,有眼利網民就發現個所謂「街坊」根本係舞台劇演員,仲曾經喺ViuTV另一個節目出現過𠻹,唔少網民批評ViuTV「造假」,怒問「個節目乜嘢企圖」,而ViuTV至今冇公開回應過件事囉。 ■香港文匯報記者 甘瑜

ViuTV上星期五喺佢facebook專頁度貼咗《買樓狂想#曲》嘅其中一段片出嚟,片中3個主持人就去咗水泉澳邨做街訪,但聲稱一直都搵唔到「本土香港人」,問嚟問去都係新來港人士喎,個旁白仲寸呢班人唔使返工所以好得閒喺街度hea𠻹。{#icono_18}

最「精彩」係佢哋之後捉到個師奶做訪問,對方一開口就係奇怪嘅鄉音,扮晒猶豫之後就畀嗰3個主持人上屋企做家訪,個旁白仲強調3個主持人「符碌」,仲寸多句︰「同胞果然好人,同埋比較得閒。」 

個師奶跟住就嚟料爆金句,不斷強調自己間屋好新,仲話政府對佢哋「應該可以再好啲」,又話自己有幾個同鄉住喺附近,平時就一齊飲吓茶食吓嘢咁喎,總之就係香港人恨唔到嘅生活啦。

段片最後就係3個主持人喺度話「明日大嶼」到時起公屋,但每日有150個同胞來港,「咁咪即係起個人工島畀人住?」  {#icono_20}

個節目講到咁,當然就引起唔少人鬧新來港人士啦。「John Wick」話︰「越睇越嬲。」「Matthew Chan」鬧爆︰「×,香港咁多人沒屋企!但係人地(哋)大陸(內地)一落就有屋住。」「Gloria Cho」亦都「響應」批評「明日大嶼」︰「反對東大嶼填海,睇完呢條片,我諗大家都會反對,支持取消每日150人嚟香港。」

「師奶」原來是舞台劇演員

不過,唔少心水清嘅網民都睇得出條片有古怪,覺得俾人家訪個師奶「啲戲好假」、「口音似係扮」。「LauSiu QB Kiuby」就踢爆︰「最尾果(嗰)個呀姐係ViuTV《對不起 標籤你》第十集扮『強國人』果(嗰)個香港人黎(嚟)嘅。」「Tang Daisok Lin」就起埋嗰位「師奶」底,指出佢根本係舞台劇演員,叫黃劍冰,「用舞台劇演員扮大陸(內地)人受訪者,ViuTV都幾低手,以為咁樣可引起『中港矛盾』。」

似《蘋果》畀錢陳健康召妓

好多人都鬧ViuTV立心不良。「Michael Yau」問︰「個節目乜嘢企圖?」「ChunOn Chow」亦問︰「其實ViuTV咁樣算唔算分化香港?」

「廖利昌」亦話︰「一睇就知做(造)馬,全意識形態洗腦片!甚麼『本土香港人』,目的就是搞分裂。」有人仲將呢件事同過往《蘋果日報》畀錢陳健康召妓去自製新聞一事去比𠻹。

唔少網民都質問ViuTV點回應。「Chung Lam Chi」︰「ViuTV點解釋,唔係新聞節目唔代表你公司做嘅野(嘢)可以做(造)假,係直接影響公司形象,再者個(嗰)集仲要係刻板標籤。」「Yc Ho」亦批評︰「舊時覺得ViuTV好,睇完覺得衰過《蘋果》。」

專欄作家踢爆師奶個案造假

專欄作家「阿果」都為件事寫咗篇《小心提防 ViuTV 假人騷》嘅文,除咗踢爆個師奶個案係造假,仲指出個師奶曾經出現嘅兩個節目,都係同一個監製韋嘉華。

至於個節目話水泉澳邨冇「本土香港人」,篇文就引用數據話,屋邨嘅新來港人士其實只佔23%囉。其實ViuTV個post都有唔少人留言話自己都係土生土長住水泉澳嘅香港人。

ViuTV到噚晚都冇回應

咁大單醜聞,ViuTV點回應?咪就係到噚晚都冇回應囉。 {#icono0_41}

http://paper.wenweipo.com/2019/01/28/WA1901280001.htm

回應 (1)
我要發表
木水火
木水火 2019/01/29 23:45:00 回覆

【ViuTV唔認造假 只是當事人未能出鏡】 {#icono0_20}  
#大家又信唔信?   {#icono_86}

Bill Ng  唔果當事人未能出鏡,是否需要在播放時加上注明字段,並需註明樓層/单位/户主姓名以作証明?  {#icono_17}
=============================
ViuTV 上周五播出真人騷節目《買樓狂想#曲》,探討新移民來港後入住公屋的情況,但卻被網民發現節目中的新移民個案實為專業演員,質疑ViuTV有造假之嫌。ViuTV則解釋是根據水泉澳邨居民提供的背景及故事製作訪問片段,因當事人未能出鏡而要找演員演繹,對引起觀眾誤會及不快致歉。

ViuTV上周五(25日)播出的《買樓狂想#曲》來到沙田水泉澳邨。主持人在街頭訪問多位居民,發現不少受訪者皆為新移民。節目其中一名受訪「街坊」,以誇張的內地口音接受訪問,並向攝製隊展示其公屋單位,稱有不少同鄉亦在同一屋邨內居住。
在家訪結束後,一眾主持人在公屋走廊討論,指出政府將來人工島建70萬公屋單位,「但每日有150個同胞來香港」,形容做法有如是「起個島畀人住」。

ViuTV亦將有關片段上載至FB,並以標題寫道《街訪搵唔到本土香港人 全部都新移民?》,隨即獲過千次轉載。但有網民質疑節目造假,發現該名新移民「街坊」實為演員黃劍冰,擁有超過25年的舞台經驗,亦曾參與另一個 ViuTv節目《對不起標籤你》。

ViuTV及後在FB回應指,該集部分內容是根據水泉澳邨一單位居民提供的背景及故事製作訪問片段,但由於當事人未能出鏡,因此該台取得住戶的同意及共識下,找來演員演繹,「ViuTV對於此事引起觀眾的誤會及不快致歉,將積極檢討節目製作的處理手法,致力提升節目質素」。

追擊報道 2019_01_29
===
歡迎網友俾料 ; 入內按讚或分享,誠意為你追擊暴徒最前線
https://www.facebook.com/snipe4eyesdogmoon25277887/

图片中可能有:1 位用户、搞怪图片和文本

https://www.facebook.com/snipe4eyesdogmoon25277887/photos/a.1716388018642096/2442816949332529/?type=3&theater

user