亞洲最大電競館 落戶旺角麥花臣匯
2019/01/29 04:12:18 網誌分類: 生活
好多電競迷等咗好耐嘅CGA香港電競館，喺旺角麥花臣匯揭幕，係全亞洲最大，分兩層，地面用作訓練，分為鬥獸場型嘅電腦區、娛樂區、手遊區、輕食區同商店，二十四小時營業。不過，電競館發言人同Kelly講，到O依家仲未見當局推出電競場嘅專屬牌照同指引！Kelly好奇，去問創新及科技局，局方回應話，正聯同民政事務局，着手理順電競場地嘅牌照問題，短期內向業界公佈有關指引，協助業界遵從。
咁CGA香港電競館算唔算「無牌經營」？局方話唔可以咁講！因電競場可以就娛樂、餐飲等服務，向不同部門申領相關牌照。而CGA香港電競館發言人亦話，已申請所有需要牌照，不會有問題！
但業界話，申請不同牌照，始終好煩。局方預計今年首季公佈一套電競場地相關牌照嘅指引，包括申請程序、一般場地規定同要求等，令營運商有個清晰指引喎！
Kelly Chu
■CGA香港電競館係亞洲最大嘅。
■林鄭都有到電競館參觀。
回應 (0)
我要發表