擊敗不丹熱門軍人跑手 港人奪最快樂國馬拉松冠軍
2019/03/04 04:12:19 網誌分類: 生活
不丹國際馬拉松已經舉辦到第五屆,賽事分為二十一公里半馬同四十二公里全馬,路線充滿挑戰,全馬起點喺海拔六千七百呎,路面約五成喺硬泥地,凹凸不平,但沿途可以飽覽不丹嘅鄉村風貌,穿過山谷仲欣賞到雨林、稻田等壯麗景色,終點喺普那卡宗,係不丹最華麗嘅宗堡寺廟。
Kelly知道全馬冠軍由一名港人Ka Ming Wong(音譯黃家明)奪得,佢用咗兩小時五十一分完成賽事,喺全馬賽事四十一個各國選手中脫穎而出,仲跑贏大熱門不丹軍人,為港爭光!
有參加呢項賽事嘅朋友同Kelly講,喺全球最快樂國家不丹跑馬拉松特別開心,因為沿途上不斷有人講"try your best"(盡力呀)幫你打氣,感受當地人友善好客嘅一面。
而賽事路線看盡不丹嘅鄉村風貌,風景如畫,係一次很好嘅旅遊體驗。
Kelly Chu
■馬拉松路線地面凹凸不平,沿途可以飽覽不丹嘅鄉村風貌。
■不丹馬拉松比賽路線充滿挑戰。
回應 (0)
我要發表