有心加強地區基層醫療支援

2019/04/11 04:12:43 網誌分類: 生活

11 Apr

        　　一間備有中醫、西醫、牙醫、物理治療等服務嘅醫療中心，真係可以幫到好多人，位於九龍城聯合道、近月開業嘅「樂善堂陳廣興紀念基層醫療中心」就係有一個咁樣嘅跨專業嘅醫護團隊！佢哋嘅服務範圍仲包括健康風險評估、疾病預防及篩查、急性及慢性疾病嘅治療同護理，仲會有病人自我管理支援、復康治療、腦退化症支援、戒煙及減酒等服務，係咪好全面呢！呢間得到樂善堂常務總理陳健平伉儷贊助並以其先父命名嘅中心，係樂善堂喺九龍城開設首間基層醫療中心，樂善堂主席李聖潑喺中心開幕禮上仲話預計每年可服務20,000人次！陳健平總理話中心已聯繫逾20位社區醫生，為九龍中超過120間私營安老院同殘疾人士院舍嘅院友提供外展到診服務，包括基礎診治及藥物治療，真係強化咗地區基層醫療支援！

        Jacky哥