梁栢賢高歌一曲 送別醫管局戰友 2019/05/15 04:12:33 網誌分類: 生活 15 May 離職前最後一日,通常打工仔都會派散水餅,以示感謝同事同上司一直以來嘅關照。不過Kelly知道,將喺八月退任醫管局行政總裁嘅梁栢賢,就選擇高歌一曲,紀念最後一次以總裁身份出席醫管局研討大會! 梁栢賢噚日出席醫管局研討大會,仲話醫管局過去都面對唔少困難,好似○三年沙士等,需要同政府、醫護人員合作。之後佢仲選擇同近三十個醫護人員合唱已故歌手羅文《前程錦繡》,祝願醫管局未來好似歌名一樣,聽埋歌詞真係夠晒勵志!「少少苦楚等於激勵」,小妹覺得啱晒形容醫管局一路以嚟嘅戰績! Kelly Chu 回應 (0) 我要發表 發表回應 會員回應 私人回應 名稱 密碼 登入並發表回應 新會員登記 取消