一田優惠又嚟啦 震撼激安咪錯過
2019/05/16 04:12:14 網誌分類: 生活
半年一度嘅一田購物優惠日下星期四就開始，今次仲有十一間分店一齊參與。今次聽聞一田有三大尋寶區— 「一折震撼區」、「$99筍貨區」同「三折起電視區」。想平掃靚貨一定要mark實二十四號嘅一折震撼區，好似鍾意周圍去旅行嘅Kelly就心水Elle 20吋四輪拉桿喼，一折優惠用二百九十八蚊就可以買到，沙田店限量十個，真係好抵！
而$99筍貨大激安仲包括美妝產品、旅行用品等，姊妹一定要去睇吓！另外，仲有一田精心挑選逾五十款美白防曬彩妝護膚套裝，全部都係四百蚊有找，夏天都唔怕曬黑。
每次一田優惠都好受歡迎嘅Character牀上用品梗係唔會少啦，更加加入近期大熱嘅Marvel角色，Q版英雄造型俘虜粉絲嘅心。一田超市今次亦有特價，令蔬果與海鮮都係三折起，買咗餸要煮好餐飯當然唔少得靚廚具，而名牌廚具都有折扣，大家記得要睇埋啦！
Kelly Chu
■一田優惠日有大量貨品以震撼價發售，大家準備好掃貨未呀？
回應 (0)
我要發表