清明隨筆
2008/04/04 21:54:23 網誌分類: 生活點滴
多年前，老鼠早就把清明節，當作兒童節了，皆因能夠跟父親遠足旅遊，一年就只有這一天，當然開心到不得了。
今年，兩個日子放在一起，點算呢？做一個唔做一個？做邊個呢？邊個重要些呢？可唔可以一齊做呢？有些父母可能費煞思量。
諗真啲，任何後人在先人面前不都是兒童嗎？何不乾脆把這兩天放在一起，最低限度，每年的兒童節都叫做假期嘛！
******
每一年的清明，總離不開山火；即使今年濕度九十四也不例外，從新聞裡看到真係有些話之你嘅人，隨處燒元寶，仲聲大夾惡。唉！唔細啦。
哈哈！今天，有冇人會祝你清明節快樂呢？
Happy Ching Ming Festival........
是清明節又好，是兒童節也好， 最開心就是和家人作親子活動。
我們早已拜祭了先人，所以今天閒著， 便輕輕鬆鬆在這風和日麗下， 外出吃餐便飯，閒話家常一番。
和在家吃飯的氣氛不同， 境隨心轉，心態變換真是好緊要。