遊戲規則改變

2006賺錢容易，國企大熱，金和油升值，只要捱過五月的調整，由年初揸住中移動、國壽、紫金、中石化到現在都執唔少。2007又如何？資源股唔係增長股，可以升三、五、七年，然後又跌十年八載。天然資源價格由1999年起計已上升七年。無可能長升，但亦無能預測幾時到頂。

有人問起「陽光」，在資本主義市場經濟體制，只要法例容許，有需求便有產品供應給消費者。中國人傳統喜歡買樓收租。今天香港有一大班中年人士，既不滿意銀行存款利息太低，分期供樓又驚負資產，見到股市大旺心郁郁想賺多D又怕變蟹，於是便有一大堆高息REIT推出應市。但我依然認為要投資地產，唯一選擇是低位買入新鴻基。呀，自住樓宇不算是投資，別搞錯。。

1997年7月1日以後遊戲規則改變，香港財富增長期結束，變成財富轉移期，或叫做你贏我輸遊戲，甲之得係乙之失；社會走向兩極化，即20％家庭愈來愈富有，80％家庭大部分都有損失。選擇投資項目、何時投資（或投機）及何處投資變成愈嚟愈重要，將決定日後輸贏，即我老曹強調嘅三個W（when, where, what？）。如你仍能夠保持年率10％增長，即每七年將財富增加一倍，便屬於20％成功家庭；反之，原地踏步或略有所失，便屬於80％家庭。不幸者包括1997年7月仍然睇好樓市者、2000年仍然睇好科網股者及去年上半年仍然睇好消費股者，真係三重損失。如你能逃過上述三劫，已算係成功投資者；如再幸運Ｄ1997年趕上海外房地產十年升值潮，2001年再踏上全球資源升值潮，便認真了不起！  - 曹仁超