joboche1
joboche1
joboche1

示威者自取滅亡?

2019/07/06 01:59:27 網誌分類: 齋_TALK_廣東話
06 Jul

朋友對西風講:有新一代仍然發開口夢話要喺香港攪革命,問西風對呢單嘢有乜睇法?其實,西風對呢種話題真喺冇乜睇法,只喺對香港未來感到悲哀。而家呢班新一代可以冇王管亂嚟,因為香港目前仍然喺【一國兩制】。但喺唔好唔記得去到2047年6月30日夜晚零時零分屆滿,到時中國會行使【一國一制】下,運用主權嚟治理香港,呢班矇丙仲可唔可以亂嚟?仲有,喺物極必反嘅原則底下,西風擔心有以下幾點:

1.中央政府逼於無奈底下,切斷同香港關係,並禁運一切資源,等香港自生自滅。就好似一啲大家族嘅太公,經濟封鎖一啲唔聽話嘅子孫一樣;

2.中央作出禁運之同時發出國際聲明:解除香港作為其他外資公司入中國營商嘅中轉站及中介人身份。即喺凡喺香港註冊嘅外資公司唔使旨意同中國做生意;

3.如果中央實施禁運同封鎖,到時任何外國勢力想照顧香港則適隨尊便,想藉此做近十四億人口嘅生意,無疑喺妄想。更何況長貧難顧,加上冇啲利益,邊個國家或黑勢力可以無條件接收香港?

4.而家某啲外國政府聲援香港一切反特區政府行動,令到示威者盲目迷信有外國支持,從未稔過人哋出聲容易,實際經濟支持,軍事支持,兵力武器以及補給支持欠奉。呢啲外國勢力嘅最終目的,喺同中國咁大嘅市場通商做生意。一旦同中國傾掂數,仲有冇外國勢力撐香港都成問題!

5.如果中央對香港採取物資禁運,到時香港人要訂外國物資,要比相等嘅錢,唧喺食貴米,飲貴水,用貴嘢。唔好以為香港外匯儲備有好多足以支持用好耐,加上香港不嬲冇資源在前,背靠中央政府幫襯在後,一旦冇咗後者扶持,香港仲可唔可以繼續香落去?抑或由香變臭?真喺未知之數!

6.假使外國想同中國做生意嘅大前提底下放棄照顧香港,到咗嗰陣香港人仲可以高調揚聲要攪革命嗎?如果去到西風所憂心嘅局面出現,示威者算唔算自取滅亡同自取其辱?

7.香港喺中國版圖之內,喺歷史既定嘅事實真相!而家一班讀書讀壞腦嘅人揚言要革命,放眼英美俄呢啲大國而言喺暴動行為,可以槍殺暴民於維持治安嘅原則之下。如果香港某啲人真喺攪革命,到時真喺鎮壓嘅時候被殺,呢筆數又將會入邊面?

回應 (0)
我要發表
user

最新回應

萬大有商量
萬大有商量 2020/07/24
@joboche1...

對的對的, 父母的愛 可以令弱者變成強者。

我在加拿大 認識一個朋友, 他是北京 石景山鋼鐵廠 的廠長 ,服務20年有機會嚟香港,但是當時的黨委書記扣留他一個女兒在北京, 說要保證他出外不會亂說傷害國家的名譽。

他這個人非常膽小,但居然能夠擊力抗爭,對黨委書記說,他犯了錯誤鄧小平說,華僑來去自由, 結果他成功了, 70年代的家移民來到香港,並且得到親戚的照顧 在hong Kong Book centre工作 他的故事令人很感動。

三年前這位廠長在加拿大走了, 由於他的事蹟 是一部歷史。 當時北京文化大革命紅衛兵怎樣進場 ,他來香港的移民生活 ,很值得記下來,我勸他在頭條開了網址 ,他有三個筆名,寫了幾十篇文章,篇篇都是歷史紀錄。

joboche1
joboche1 2020/07/07
@萬大有商量...

父愛如日光,母愛如月光,友愛如星光!所以,父母在堂,身安體健,喺仔女嘅福氣!

萬大有商量
萬大有商量 2020/07/07

誰言寸草心,報得三春暉。 大概 如是 {#icono_6}