如果喺你得唔得先？3

聽聞樂壇校長譚詠麟最近比人鬧得好犀利！又會咁嘅？西風因為夜更保安工作關係，平時放工都盡量瞓覺，好少留意啲時事。如果唔喺同事或朋友問到，都冇乜時間睇新聞。所以，當知道譚校長近日嘅新聞，真喺奇怪到飛起。而家先知譚校長出席某個官方活動，並表示支持官方，所以就得罪佢個班反官方嘅歌迷喎！咁都得？

由此睇嚟，呢班友平時講【撐硬言論自由】喺齋噏！淨喺譚校長撐官方嘅言論，就變相唔撐你哋，就要比你哋批鬥離棄，咁樣同獨裁有乜分別！如果真正做到尊重言論自由，又點會咁樣針對譚校長？又點會做唔到包容同體諒？又點會打擊人哋嘅立場？世間不嬲都喺有黑有白有是有非，先至有支持有反對嘅氛圍下辨別真理，甚至揾到共識達至雙贏！

聽到呢段消息，西風稔起俗語[做賊喊捉賊]！如上面所提及，因譚校長唔撐反官方嗰邊就成為佢哋嘅公敵，同佢哋向來反感共產黨攪一言堂卻而家佢哋自己做梗一言堂，呢種行為離唔開[只許自己放火，不許他人點燈]！倒番轉頭，人哋唔撐你哋呢批反官方勢力之餘，對你哋用同樣手法鬧餐懵在前，離棄在後，面對呢種局面，【如果喺你得唔得先】？可唔可以接受到？

所以話，支針未拮到自己，人人都會表現豁達大度同大仁大義，更表示做到求同存異！當枝針拮到自己嘅時候，乜嘢喺豁達大度？乜嘢叫大仁大義？乜嘢叫求同存異，通通喺bullshit！凡唔企喺我呢邊，凡唔肯撐我，凡抵觸我嘅利益，全部都喺冇得原諒嘅罪人！只有我嘅一言堂喺企起正義真理呢邊，特區政府聽共產黨嘅一言堂喺十惡不赦！

呢種霸道行為逼人接受，【如果喺你得唔得先】？為咗唔受打壓被離棄，要放棄自己立場同原則嚟討好對方下企喺反官方一邊，到最後嘅結局喺點，真喺天至知道！