如果喺你得唔得先？2

據聞先排被示威者闖入並大肆破壞嘅政府單位需要用六千萬公帑維修嚟恢復原狀！西風聽到呢個消息嘅時候不禁唏噓，呢班暴徒受過髙等教育，縱使對特區政府點樣極度不滿，都唔可以傷害全香港人嘅利益！六千萬喺立稅人付出嘅血汗錢，全數民脂民膏，就咁樣為咗呢班暴徒逞一時之憤所遺留落嚟嘅手尾埋單！呢班匹夫嘅所作所為，簡直無恥到極點，全港市民未見其利，先受其害！

正如西風日前舉例：有示威暴徒闖入自己名下物業肆意破壞，見人就狂毆拳打腳踢！受害者既要一面療傷，另一面要攞錢維修受到破壞嘅單位，【如果喺你得唔得先】？呢班匪類，口講正義，但喺所作所為只憑一己之喜好，不知廉恥。唔通六千萬維修費由暴徒補貼？抑或當呢六千萬喺陰司紙？抑或當立稅人嘅血汗錢唔喺嘢可以隨意隨便浪費同踐踏？呢班匪類憑乜嘢要全港立稅人替你哋埋單找數？

呢班受過高等教育但行事卻卑劣嘅示威群眾，往往自視高於一切，不但止凌駕法治，而且漠視立稅人嘅血汗錢。自以為是企喺道德高點卻做埋反道敗德嘅事，難怪古人話無能唔算絶對罪過，而喺無知兼無恥至喺罪過！當人失去理智嘅時候，就狂妄到老豆姓乜都唔記得！

西風成日都講凡事要易地而處！假如呢班暴徒嘅屋企比人破壞會有何感想？屋企喺家人嘅心血所在，受到破壞後仲要出錢維修，【如果喺你得唔得先】？政府物業喺用立稅人嘅血汗錢奠基建成，一旦受到你哋呢班暴徒破壞後，要洗六千萬立稅人嘅錢用作維修，你哋唔覺得慚愧咩？你哋試下你哋嘅財產比人破壞，你哋一啲都唔會嬲咩？

所以，西風奉勸一句，你哋擺正牌頭就喺暴徒，所浪費六千萬公帑作維修費喺立稅人嘅血汗錢，就唔好講到自己好正氣去打擊特區政府嘅威信，仲要預埋全港立稅人為暴行行動埋單喺理所當然！呢啲藉口，聽到全港冷靜嘅人作嘔！除非呢六千萬由你哋班暴徒出，西風就心服口服話你哋叻！