特赦暴徒就係縱容犯罪 嚴懲暴徒方有對話空間

針對政府修訂《逃犯條例》，有啲反對派同港獨分子同流合污，勾結境外反華勢力喺香港發動一次又一次嘅示威活動，直到最後連和平示威嘅假面具都唔需要，喺香港22周年回歸紀念日之際，組織發起圍攻破壞立法會嘅暴力事件。喺犯罪事實面前，有啲暴亂分子仍然心存幻想，繼續堅持包括收回「暴動定義」、「撤銷抗爭者控罪」、「追究警隊濫權」、「實行雙普選」等在內嘅無理要求，仲威脅港府一日未有妥善或合理嘅回應，都將會繼續進行反對行動。

雖然政府一直有召開記者招待會跟進修例事件，努力嘗試緩解緊張局勢，但反對派勢力將政府對於積極解決事件嘅努力同警隊嘅克制忍讓視為軟弱可欺，屢次提及「死線」，頻繁威脅多次加碼，不斷透支政府釋放出嘅善意，更加肆意侵佔政府與社會各階層嘅對話空間，企圖破壞各階層之間諒解與共識，挾持民意實現佢哋分裂香港嘅罪惡目的，佢哋嘅所作所為令到特赦成為縱容更大犯罪嘅代名詞。

而知名學者劉兆佳教授亦質疑特赦嘅合理性，佢表示喺支持和平、理性及非暴力示威方式嘅香港主流民意之下，特赦會令到警方之前打擊暴力嘅執法行為白費，更加助長無知嘅青年濫用暴力，因此贊成嚴肅處理暴力者。

如果對呢次暴徒實施特赦，將會令到暴徒更加有持無恐，為所欲為，暴徒將會以政府嘅寬容作為資本，同政府討價還價，亦會令到更多嘅犯罪分子效仿。面對暴亂分子嘅囂張氣焰，唯有依法嚴懲犯罪，先可以為香港各界凝聚法治共識，營造理性嘅社會法治精神。