表面「大義凜然」實則狡詐陰險

踐踏侮辱國旗、區旗事件尚有餘溫，激進人士又喺7月7日組織實施咗新嘅一輪示威遊行，再次不可避免咁同警方發生衝突，又如歷史重演一般繼續大肆抹黑警方、指責政府。呢班豎起追求「民主」、「自由」旗幟嘅激進人士，高聲宣傳話要用和平集會嘅方式嚟反映「理想信念」，實際上卻以大相徑庭嘅方式去表達佢哋嘅訴求。佢哋塞住耳朵唔聽政府嘅任何解釋，亦唔容許任何有異議嘅人發聲，佢哋以策劃暴動、抹黑政府、對抗警方等手段強行威脅政府滿足佢哋嘅無理要求。結合佢哋嘅所作所為，再睇睇佢哋嘅人生理想，真係覺得好可悲好好笑。

警方嘅克制忍讓無辦法令啲示威者冷靜、理性落嚟，卻換嚟佢哋嘅愈發膨脹瘋狂，咄咄逼人目無法紀為所欲為。佢哋無視警方嘅警告，霸佔道路、阻塞交通，嚴重擾亂市民嘅正常生活秩序，更恬不知恥咁宣稱遊行已經進行咗個幾月，啲民眾會理解佢哋。咁滑稽嘅言論都唔知係邊度得翻嚟嘅。佢哋用汽車設置障礙，阻攔警方車輛正常前行，又用傘陣等方式同警方對峙，造成異常緊張嘅對立氣氛，仲有組織啲無良嘅媒體去抹黑警方，扮曬無辜咁將所有責任推向香港警方。最令人激氣嘅係居然有人狙擊處理「6.12暴動事件」嘅警察指揮官……以上種種罪行都早已經同理性反映訴求相差甚遠，講一套做一套咪就係咁嘅樣咯。

如果真嘅係尋求民主自由，咁點解呢班人要毒打一名發表異議嘅老人，即使大家都知道呢個老人手無縛雞之力？如果真係和平集會，咁點解要製造傳播警察暴力執法嘅謠言，即使佢哋由始至終都表現出極大嘅克制同禮讓。如果真係為港為民甘願奉獻身家性命，咁點解對無意中拍到視頻嘅無辜人士濫用私刑，即使佢已經表現出極大嘅恐懼？如果真係理性反映訴求，咁點解要揚言發動18區嘅民眾進行更大規模嘅集會遊行，即使政府已經摞出最大嘅誠意尋求和平解決嘅辦法……呢啲反常嘅舉動令人不得不懷疑佢哋嘅真實意圖，不斷將事態擴大化係解決問題嘅辦法咩？

呢啲激進嘅示威者表面上大義凜然咁宣揚「自由」、「民主」，實則佢哋陰險狡詐、包藏禍心。事件發展到宜家咁嘅地步，可能本來就係佢哋想要達到嘅效果同結果，甚至乎期望搞出更大更亂嘅事出嚟。因為就事件開始裹時佢哋就攞出不達目的誓不罷休嘅氣勢出嚟，無視任何理性嘅聲音，咁完全係黨同伐異！