joboche1
joboche1
joboche1

乜嘢叫有時可能?

2019/07/23 18:10:19 網誌分類: 今日隨筆
23 Jul

公民黨主席梁家傑話:【暴力有時可能喺解決問題】!呢種言論,真可謂可圈可點,而梁家傑本人就處於【進可攻,退可守】嘅雙贏局面:暴力有時可能/有時唔可能。不愧喺攪政治,講嘢能夠無寜兩可,左右逢源,隨便某個局面出現之後受人垢病質疑之時,佢都可以自圓其説咁脫身。雖然未能做到【謹言】,但亦都足以自保,算唔上喺偽君子,卻稱得上喺真小人,西風佩服之至。

講到呢度,梁家傑似乎唔記得【學好三年,學壞三日】!佢嘅【可能】言論,以示威群眾嘅心理一定傾向行使暴力,因為【可能】會成事,而忽略【有時唔可能】呢幾個字。示威群眾因為火遮眼而懵上心口,點會領略梁家傑講嘢嘅技巧充滿陷阱同步步殺機。何況示威群眾鍾意輸打贏要,採納啱自己聽或認為得到認同嘅言論,以為梁家傑撐佢哋採取暴力嚟解決問題喺啱,絕對稔唔到乜嘢叫【有時】。

至於示威群眾點樣理解誤解梁家傑所講嘅,表面睇嚟喺前者解讀有問題而作出錯誤嘅選擇,同後者冇一啲啲關係,因為佢只喺出口術提供兩個方案,至於用唔用佢喺管唔到亦預計唔到。既然得兩個方案,好明顯唔揀左就揀右,唔喺採取暴力就喺停止暴力,非黑即白,仲有乜嘢可講?

之不過,西風對【有時可能喺】呢幾個字有以下提問:

1.乜嘢叫做【有時】?應該點樣把握至唔會錯失時機?

2.乜嘢叫做【可能喺】?換句話講會有【可能唔喺】存在,豈不是講梗廢話?

3.喺唔喺使用暴力就可以解決問題?同時會唔會比人反彈打番轉頭?

4.如果使用暴力都唔可以解決問題,咁彼此互毆以暴易暴時點樣拆招?

5.到時又會唔會賴警方唔做嘢冇作為?

6.喺邊一個直接或簡接鼓吹使用暴力令到局面更加僵化?

7.當示威群眾聽話使用暴力時,使唔使負上刑責?

8.一班出口技嘅煽風點火者好似梁家傑咁,如果示威群眾聽佢點使用暴力,佢又應唔應該負上刑責?

唔好稔住【隨便噏】,真喺可以【當秘笈】!任何人講任何嘢做任何事作任何決定,要有【埋單找數】【自食其果】嘅心理準備,唔好稔住飽食遠颺關人個關!西風總喺相信天有眼,正所謂【張牙舞爪面皮厚,看你橫行到幾時】?!

回應 (0)
我要發表
user

最新回應

萬大有商量
萬大有商量 2020/07/24
@joboche1...

對的對的, 父母的愛 可以令弱者變成強者。

我在加拿大 認識一個朋友, 他是北京 石景山鋼鐵廠 的廠長 ,服務20年有機會嚟香港,但是當時的黨委書記扣留他一個女兒在北京, 說要保證他出外不會亂說傷害國家的名譽。

他這個人非常膽小,但居然能夠擊力抗爭,對黨委書記說,他犯了錯誤鄧小平說,華僑來去自由, 結果他成功了, 70年代的家移民來到香港,並且得到親戚的照顧 在hong Kong Book centre工作 他的故事令人很感動。

三年前這位廠長在加拿大走了, 由於他的事蹟 是一部歷史。 當時北京文化大革命紅衛兵怎樣進場 ,他來香港的移民生活 ,很值得記下來,我勸他在頭條開了網址 ,他有三個筆名,寫了幾十篇文章,篇篇都是歷史紀錄。

joboche1
joboche1 2020/07/07
@萬大有商量...

父愛如日光,母愛如月光,友愛如星光!所以,父母在堂,身安體健,喺仔女嘅福氣!

萬大有商量
萬大有商量 2020/07/07

誰言寸草心,報得三春暉。 大概 如是 {#icono_6}