joboche1
joboche1
joboche1

冇嘢喺永恒!

2019/07/23 22:37:05 網誌分類: 齋_TALK_廣東話
23 Jul

正所謂【人無千日紅,花無百日紅】,世間事往往喺咁由平淡而熣燦,最後喺歸於平淡。無論何時何地,無論貧賤富貴,終極要面對嘅喺兩腳一伸,生前所有是是非非,對對錯錯,隨住人都唔存在而變成茶餘飯後嘅話題,好同壞對於逝去者嚟講仲有乜意義?身家遺產只喺益咗啲未亡人之外,仲可以揸主意咩?

想下歷史,周家八百年天下,到如今只成為閒談嘅話題。唐朝盛世,到如今有幾多風流韻事留得低?富不過三代,自然衝擊不斷。是以古人遺訓:【話唔好講盡,福唔好享盡】,要留有餘地遺蔭子孫。單喺一個盡字,即喺極致嘅意思,感召而嚟嘅喺【物極必反】,冇好下場。

父執祖輩創業之難,一班二世祖點會體味得到?曾經捱窮出身嘅人,將子女當溫室植物作全面保護,未捱過世界,未吃過艱苦,自不然冇自保能力,仲點會喺冇咗祖蔭父蔭之下能夠獨立?慣咗比人服侍,唔知世界艱難,只識得【飯來張口,錢來伸手】,十足似小兒痲痹,冇人扶就唔會自理。

莫講話【小小苦楚等於激勵】接受唔嚟,就算喺語氣重啲嘅一言半語更加唔使旨意接受。承受力近乎零,膊頭好難擔負起中間位置嚟承上啓下。身為當家嘅,未必要有博士級研究生嘅學歷,但喺一定要有內涵修養同忍耐度!因為,無論喺家族生意,或幫人打工,或領軍人仕,或政府司長,都要喺某件事某空間作出低頭同讓步,去換取妥以便平穩生活。

古人話:【政者,正也】!而【正】字喺【止於一】而成!所以,從政嘅人要識審時度勢,捨小謀大。至於止於一,喺以一統或維穩大局為終止,斷唔會殺雞取卵唔理大局咁幼稚;亦唔會只顧自己利益而犧牲群眾嘅福祉。政治家要有宏觀嘅胸襟,獨到嘅眼光,壓場嘅氣勢,應變嘅能力,遇危難時殺伐果斷,處商量時識得取捨,施政策時收放自如。

放眼如今,無論喺特區政府,抑或示威群眾,抑或黨派議員,除咗尸位素餐,上演武行,互出口術而又唔負應有責任之下,睇怕香港想唔衰都幾難!

回應 (0)
我要發表
user

最新回應

萬大有商量
萬大有商量 2020/07/24
@joboche1...

對的對的, 父母的愛 可以令弱者變成強者。

我在加拿大 認識一個朋友, 他是北京 石景山鋼鐵廠 的廠長 ,服務20年有機會嚟香港,但是當時的黨委書記扣留他一個女兒在北京, 說要保證他出外不會亂說傷害國家的名譽。

他這個人非常膽小,但居然能夠擊力抗爭,對黨委書記說,他犯了錯誤鄧小平說,華僑來去自由, 結果他成功了, 70年代的家移民來到香港,並且得到親戚的照顧 在hong Kong Book centre工作 他的故事令人很感動。

三年前這位廠長在加拿大走了, 由於他的事蹟 是一部歷史。 當時北京文化大革命紅衛兵怎樣進場 ,他來香港的移民生活 ,很值得記下來,我勸他在頭條開了網址 ,他有三個筆名,寫了幾十篇文章,篇篇都是歷史紀錄。

joboche1
joboche1 2020/07/07
@萬大有商量...

父愛如日光,母愛如月光,友愛如星光!所以,父母在堂,身安體健,喺仔女嘅福氣!

萬大有商量
萬大有商量 2020/07/07

誰言寸草心,報得三春暉。 大概 如是 {#icono_6}