時事即興1

近嚟群魔亂舞，稔落冇乜唔好！多年風平浪靜，一本通書到老。

少年唔經風雨，長大非奸即盜。青年唔遭挫折，遇事潦潦草草。

老年唔知修省，遲早自招果報。官員尸位素餐，臨危兵敗山倒。

教師德不配位，衰過葡京爛賭。學生不知所謂，讀書讀壞頭腦。

記者未見持平，新聞亂咁報導。側重政府唔啱，唔講刁民拒捕。

狂鬧警方濫權，質疑執法殘暴。唔提執法受傷，讚揚暴力最好。

如果政府唔衰，何來揚威耀武？加上各行各業，甘心受人擺佈。

比人哨子一吹，齊齊聞雞起舞。社會唔得寜定，前途崎嶇滿佈。

國家冇法富強，飽受國際欺侮。而家街頭動蕩，正不壓邪點好？

針對執法人員，粗言問候父母。繼而拳打腳踢，鐵枝磚頭扑腦。

疑似漒水淋人，堪比共產殘暴。開口只識話人，唔知自己覇道。

法治蕩然無存，健全剩得口號。刁民連消帶打，警力慘遭橫掃。

藉口示威和平，舉止窮兵黷武。恣意破壞大樓，高呼維揚正道。

正道慘被輪姦，有口難言難訴。可憐一班後生，唔知離晒大譜。

唔知自欺欺人，唔知侮人自侮。只為懵上心肝，所以好做唔做。

鍾意有自唔在，鍾意用錯頭腦。有錯政府錯晒，有好只得我好。

阻我就喺唔啱，難免令我狂號。做乜鐵馬圍欄？容易令我跌倒。

做乜警力成堆？動作容易粗暴。分明剃我眼眉，叫我點做大佬。

所以一意孤行，懶理奸淫邪盜。家醜唔怕宣揚，暴光越暴越好。

吸引國際輿論，香港分疆裂土。自主兼要自權，自驕當然自傲。

唔理後果會點，目前我行我素。唔信天理循環，唔信惡有惡報。

所以恣無忌憚，以為乜事都冇。治亂必有定時，只為時辰未到。

到時各自埋單，到時鬼哭神號。到時善惡分班，到時各歸各路。

到時必有定判，到時淚濕泥土。天律國法人情，豈能隨你喜好？

不妨拭目以待，下場邊個最好？到時天網恢恢，咪話西風老土！