時事即興2

西風一直擔心，駐港解放大軍。遲早奉命出動，懲治禍港暴民。

呢班烏合之眾，玩到創晒個心。玩到唔知收歛，玩到目中無人。

有人想製炸藥，企圖試法以身。稔落萬般恐怖，動機耐人味尋。

一旦成事爆炸，殘殺幾許眾生。傷害無辜百姓，目的駭人聽聞。

枉披人皮一面，內裡包藏禍心。表面堂煌冠冕，實際歹毒害人。

西風向來強調，正義應要張伸。投訴大膽投訴，彰顯無畏精神。

不過過程手法，唔該格外小心。避免過激累事，高尚變咗低能。

令到小事化大，令到互謗互侵。令到互不相讓，令到互結仇人。

本嚟立埸各異，至有對立紛爭。彼此堅持己見，局面始起風雲。

點知為求目的，惡向膽邊產生。呢頭不擇手段，嗰頭玩弄世人。

宣佈一切動作，全為市民發音。打倒共產主義，打倒特區衰神。

我要篡奪香港，誓與英美交心。邊個阻我發達，我就打擊其人。

幕後黑手策劃，對立不斷升溫。利用無知學子，個個變做暴民。

盡顯英雄氣慨，打倒暴政暴君。所以衝開鐵馬，所以磚頭掟人。

所以鐵枝狂打，所以漒水淋身。呢種和平舉動，簡直聞所未聞。

接住諸多藉口，警方造成主因。阻我跨欄前進，令我冇法前行。

咁樣互相碰撞，自然變相相爭。全部唔關我事，警方正一衰神。

做咗特區走狗，做埋共產守軍。居然夠膽執法，唔幫香港市民。

聽落十分攪笑，稔落唔使認真。警力集中戒備，防止暴動降臨。

本嚟合理執法，只要慎重小心。適當運用警力，依賴法律條文。

總之處置有據，自然應變有根。一切依法辦事，細節依法而行。

而家中央決定，調動香港駐軍。防止局面惡化，懲治禍國殃民。

試問呢種局面，外國點樣處分。抑或任得放肆？抑或鎗殺暴民？

英美向來粗暴，打壓示威民生。常見流血喪命，未有指責虐民。

如今香港事務，原屬內政紛爭。外國指手劃腳，暴徒舉足歡騰。

迷信外國勢力，以為外國有親。點知外國手段，玩到港人頭暈。

西風奉勸一句，格物致知修身。唔好發開口夢，夢醒點會留痕。

意見不妨表達，異見不妨酌斟。官民有傾有講，對事全不對人。

到時國家強盛，列強就會近身。到時社會安定，國際集團降臨。

人人和和氣氣，個個開開心心。從此安居樂業，快活過渡日辰。