遊戲媽媽

上網閒逛，忽然逛到去一個討論區的nds專區（本來是想看看有甚麼新game獲推介），被一個好多人回的題目吸引了－－「你阿媽有冇同你爭玩nds？」

真的是個有趣的題目，而更有趣的是，內裏的回覆真的好搞笑。

大部分都是有，甚至癲到自己買多一部。

大部分都是玩cooking mama（順帶一提，有人幫呢隻game改名，叫煮緊老母，cooking－－現在進行式？或叫料理老母，取其諧音「X你老母」）

有人話佢阿媽肉緊起來，會篤埋上面個mon……（咁咪好傷？）

有人好佩服阿媽打機的成績，見到個分數，O晒嘴咁。

其實，我都曾經有考慮過，買部Wii畀阿媽，畢竟，阿爸阿媽在家裏真的好悶。但我又怕她搞不懂機械（雖然Wii真的好容易，但老人家嘛），而最弊的是，阿媽名副其實老眼昏花，連看電視都話眼朦朦，點打機？（所以，莫講話個Mon得幾吋大的nds了……）

不打緊，下星期會回去探她，我就做一回她的人肉遊戲機－－麻將腳吧。