KellyChu - 花劍世盃香港站獲M品牌認可｜Executive日記

　　最近本港盛事真係一浪接一浪，被喻為「香港體壇奧斯卡」嘅國際劍擊聯會花劍世界盃，5月1至4日會喺亞洲博覽館舉行，亦係首度來港舉辦，賽事已獲大型體育活動事務委員會頒授M品牌認可。今次比賽吸引全球各地至少400名劍手參賽，以東道主身份出戰嘅港隊，就派出60人應戰，除咗「劍神」張家朗，仲有蔡俊彥、崔浩然、鄭曉為、陳諾思等劍手，真係星光熠熠，小妹已經mark好日子入場睇比賽！

　　大型體育活動事務委員會就話，花劍世界盃與其他M品牌活動一樣，不但展示香港舉辦世界級體育賽事嘅實力，推動體育發展，亦為香港增添活力和姿采，吸引更多海外旅客訪港，提升香港作為國際體育盛事之都的地位。今次香港成功爭取舉辦花劍世界盃，對香港劍擊發展係重要里程碑，同時提升整體水平。