KellyChu - K11「臥遊無界」工藝展 向大航海時代致敬｜Executive日記

　　文青Kelly又有好嘢介紹畀大家！K11 Art Foundation及K11 Craft & Guild Foundation Limited共同策展嘅「臥遊無界：中國工藝與當代藝術」展覽，即日起至5月19日喺K11 MUSEA 6樓展出，包括18世紀嘅珠寶箱及大茶葉箱、19世紀嘅描庭院人物扇和圖書箱等珍品，小妹睇到流連忘返，大家呢個周末記得入場陶冶下性情！

　　展覽以巧奪天工嘅「描金工藝」為起點，重現大航海時代中國與歐洲國家之間越洋貿易嘅盛況，向中歐文化交流嘅黃金時代致敬。場內展出18世紀嘅珠寶箱及大茶葉箱、19世紀嘅描庭院人物扇和圖書箱等珍品，並運用數碼科技營造沉浸式體驗，以嶄新視角，演繹傳統裝飾工藝嘅魅力。另外，今次展覽亦帶來十多位新晉當代藝術家，及曾參與K11集團 × 《ArtReview》藝術家駐留計劃嘅年輕藝術家創作，真係新舊並存！

KellyChu