陸羽仁
陸羽仁
陸羽仁

闖歷史高位

2019/10/28 08:39:32 網誌分類: 經濟
28 Oct

中美接近敲定第一階段貿易協定的部分內容,且英特爾公佈強勁季度業績提振投資者信心。美股上週五造好,標普500指數一度升穿7月所創下的歷史高位3027點,但收市回順,收報3022點,升12點,升幅0.4%;杜指升152點,收報26958點,升幅0.6%;納指升0.7%,收報8243點。

美國貿易代表處上週五表示,中美雙方「接近敲定」第一階段協定的部分內容,又話副部級的談判將繼續進行。美國總統特朗普話,希望在11月中在智利舉行的峰會上,與中國國家主席習近平簽署協議。

路透社引述消息人士報道,中國將要求美國撤銷部分現有及計畫中的加征關稅措施,作為交換增購美國農產品。特朗普聲稱,中國承諾每年購買美國農產品400億到500億美元。但據了解談判的消息人士稱,中國的提議是把購買規模恢復到貿易戰前的狀況,而購買還將取決於市場狀況和價格。

據美國農業局的統計數字,2017年中國購買美國農產品只有195億美元。所以有說中國建議購買美國農產品數量每年收增加至200億美元左右,沒有特朗普說的那樣誇張。至於美國方面,到目前為止,特朗普只同意取消原定於1015日開始額外加徵的關稅,即價值2500億美元的中國商品由25%增加至30%關稅,另外的3000億美元貨品由10%加至15%;現時仍在加徵關稅的中國貨品有第一階段的2500億美元加徵25%和第二階3000億美元加徵10%關稅。而據消息人士透露,「中國希望回到僅對價值2500億美元的商品徵收關稅。」由此可見,中國對於美國徵收關稅的貨品規模以及美國對中國增購農產品的數量仍存在很大的分歧,但不知道撤消第一、二次加徵的關稅是否在第一階段中美貿易協議中解決。

值得留意的是,中美談判傳出「好消息」,刺激市場的冒險胃納,股票恐懼指標VIX指數上週五跌近8%12.65,資金由避風港債市回流到股市,美國10年期國債收益率升上1.8厘水平,係今年9月中以來最高,美股三大指數都向著歷史高位逼近。

不過,專家普遍仍然認為,中美雙連最容易談的部份(停加關稅和購買農產品的規模),都有很大的分歧,即使真的達成首階段的協議,中美在貿易方面休戰,也並不是等如美國經濟將出現拐點,不會減低美國經濟在未來一兩年內下滑至衰退的風險。

美股上週五表現最好的是科技股,標普500指數科技板塊升1.2%,領漲大市,

主要是受到Intel股價大幅飆升刺激。Intel上週五公布的第三季業績非常亮麗,營收192億美元,而每股盈利1.42美元,遠遠高過預期的12億美元和0.18美元,係有史以來最好的季度。另外,Intel又預期今年第四季營收為192億美元,較去年同期高3%Intel上週五股價勁升8.1%,收56.46美元,係表現最好的杜指成份股,帶動標普半導體ETF1%

陸羽仁

回應 (20)
我要發表
謊員
謊員 2019/10/28 23:03:18 回覆
@大笨袋鼠...

只是跟祖國簽了合同,入多了貨,找個地方處置吧了!

水買多了放入大海,催淚彈入多了,當然是放給蟻民啦 {#iconb_223}

animal666
animal666 2019/10/28 19:15:50 回覆

呢度俾條淫蟲子龍

大笨袋鼠
大笨袋鼠 2019/10/28 19:00:14 回覆

@謊員..

莫非屯門嗰邊真係試用緊國產貨…

大笨袋鼠
大笨袋鼠 2019/10/28 18:41:30 回覆
@警是暴...

前題假設係,到咗收成期,嗰一刻嘅收割價,係高過嗰個月供平均價 {#icons_boy2}

不過好多人呢排食煙食得多,月驚都停埋

小情人加賴av534
小情人加賴av534 2019/10/28 18:05:17 回覆

聯絡Line:av534因為生活的壓力大 生活也比較枯燥 但是偶爾也是會有生理需求的 在朋友的帶領下 第一次嘗試吃 吃魚但是讓我留下了不好的回憶 那次經驗讓我不再去觸碰魚兒 後來在一個群組裏面才發現了這間茶莊決定試試看第一次嘗試了一下 雪兒 165,46,E杯,20歲 #新光三越專櫃  聲音勾魂,奶子爆乳,敏感乳頭, 圓潤翹臀,喜歡舔咬自己的唇,姿勢很勾人 奶子大的趴在磨蹭你的雙腿,跪在床上舔你的龜頭 妹妹腿兒纖細,雙膝可以彎曲到胸前,可讓你插得又深又密,讓你好頂在她子宮口,引起膣肉連帶的收縮,夾得的你很緊很緊 ,爽死你~嗨翻你

子龍 (kaka就是大叔的契哥)
子龍 (kaka就是大叔的契哥) 2019/10/28 17:17:03 回覆

大戶兄: 小五都唔知攪邊科...... {#iconb_261}

進入結算周  最好的就是---->觀察. {#iconb_62}

大戶終結者 ( 等人齊 )
大戶終結者 ( 等人齊 ) 2019/10/28 15:25:44 回覆
@子龍 (kaka就是大叔的契哥)...

小五孽漬反影其他銀號狀況 ..... {#iconb_65}

子龍 (kaka就是大叔的契哥)
子龍 (kaka就是大叔的契哥) 2019/10/28 14:59:05 回覆

驚兄: 未講完, 平均成本法不能去除個股風險. 當然如你買中千里馬, 伯樂自然富足.

但如你買中隻木馬, 月供變成月輸呢..... {#iconb_62}

kaka: 噢...投機難嗎??? {#iconb_62}

kaka422617
kaka422617 2019/10/28 14:54:47 回覆
@子龍 (kaka就是大叔的契哥)...

將軍,時也命也 {#icons_dog1} 有得執都好開心 謝謝 {#icons_dog1}

子龍 (kaka就是大叔的契哥)
子龍 (kaka就是大叔的契哥) 2019/10/28 14:50:19 回覆

kaka: 唉...可惜五爺唔生性. 時也命也.

子龍大軍離場, 一股不留...... {#iconb_62}

kaka422617
kaka422617 2019/10/28 14:33:45 回覆

將軍,未到272唔平倉? {#icons_dog1}

子龍 (kaka就是大叔的契哥)
子龍 (kaka就是大叔的契哥) 2019/10/28 14:11:53 回覆

驚兄: 月供對老散是有利的, 因為用平均成本法, 可以去除單一價格風險. {#iconb_62}

警是暴
警是暴 2019/10/28 13:30:57 回覆
@子龍 (kaka就是大叔的契哥)...

子龍,何謂月供?月驚我就知係乜

子龍 (kaka就是大叔的契哥)
子龍 (kaka就是大叔的契哥) 2019/10/28 11:31:05 回覆

大戶兄: 勿慌. 未到月供日...... {#iconb_62}

大戶終結者 ( 等人齊 )
大戶終結者 ( 等人齊 ) 2019/10/28 11:13:34 回覆

{#iconb_62}

將軍, 救我 ..... {#iconb_67}

門徒
門徒 2019/10/28 11:12:28 回覆

四中全會 {#iconb_254}

子龍 (kaka就是大叔的契哥)
子龍 (kaka就是大叔的契哥) 2019/10/28 11:06:29 回覆

門兄: 噢....子龍老了.....無用了...... {#icono_53}

門徒
門徒 2019/10/28 11:02:52 回覆

{#iconb_215}將軍好波

kaka422617
kaka422617 2019/10/28 09:18:13 回覆

各位早

子龍 (kaka就是大叔的契哥)
子龍 (kaka就是大叔的契哥) 2019/10/28 09:07:40 回覆

{#iconb_62}

user

最新回應

Yan
Yan 2020/07/08

A股仍強 伺機低吸
2020年07月08日

  港股勁飆近千點,重上26000點後,遇上本地疫情爆發,大市初段牛皮,午後跌勢轉急。本來香港好想同廣東打通「旅遊泡泡」,現在好事多磨,相信短期不易成事。

  中港股市周初帶動全球股市向上,美股之後高收,納斯達克指數再創新高,港股周二開市初段仍然拒絕調整,早段曾漲443點至26782點,創逾四個月新高,之後開始有獲利回吐。中午本地多宗感染消息公佈,由於染病人士居所分佈甚廣,中環茶友都窒了一窒,果然下午後指數跌幅逐步擴大,特別係本地股回調幅度較為明顯,最終收報25975點,回吐363點,結束四連漲;成交2399億元,九倉置業(1997) 股價及相關新聞 挫5.68%,收報35.7元,為表現最差藍籌股。

  資金維持流入本地

  恒指急升後調整,主要是由疫情引發,否則雖然指數累升不少,仍然有可能再下一城。收市後衛生部門官員簡介最新爆疫情況,合共有9宗本地感染,其中有5宗暫時源頭不明,突然本地感染重現,由首日兩宗跳升到翌日的9宗,暫時無法辨清傳播鏈,專家擔心第三波傳播已經出現,加上外國衛生專家講到新冠病毒,有可能借氣溶膠在空氣中傳播,所以指數喺收市前急回。

  本地疫情重現,成為不明朗因素,至少令短期難以開通中港人流,未來幾日要留意疫情進展。不過,在樂觀氣氛降溫之餘,有兩個現象要留意,首先是昨天港府分別在港股收市後,以及紐約交易時段入市接美元沽盤,合共沽出81.38港元,這是4月至今第24次入市,向銀行體系注資728.82億港元,令本港銀行體系戶口總結餘將進一步升至1469億港元。金管局入市反映流入本地的資金仍然好多,這些套息資金估計有機會入市炒一轉,增加本地市場流動性。

  第二個現象係港股受本地疫情不利下跌,但內地股市續升,上證指數連升六日,雖然尾市升幅收窄,3400關口得而復失,收報3345點,仍升0.37%;深成指數收報13163點,揚1.72%;兩市成交合計1.74萬億元人民幣,連續四個交易日突破萬億元人民幣。A股近期強勢持續,滬指已由疫情低位2646點,反彈至周二高位3407點,升幅超過28%,內地對大市會否持續上升開始熱烈討論。

  種種跡象顯示,內地市況仍在升溫,統計顯示,截至7月2日,A股融資融券餘額為11903.15億元,較前一交易日增加140.38億元,連續三天單日增幅超過100億元,累計增長約500億元。同一時間,北上資金也在大幅加倉,一周內淨流入近289億元,今年年初以來,北上資金淨流入超過1400億元。

  證券股成為大市領市羊

  除了資金增多,股民人口都出現增長和回升,內媒指出,6月下旬以來新增投資者數量明顯上升,他們大部份都是網上自助開戶。現時6月資料尚未公佈,但5月新增投資者帳戶數量121.41萬個。整體來看,新增自然人帳戶121.25萬個,按年增長5.34%。截至2020年5月末,投資者帳戶數量合計1.66億個,其中個人有1.658億個。從資金入市數量和股民增加情況,現時內地股市還是處於升溫,而未算過熱的情況中。如果中央在政策上沒有冷卻動作,內地股市看不到有大跌風險,回調一下可視為健康打底。

  內地股市升溫,券商股被視為領頭羊,對大市氣氛有影響,昨日招商證券(6099) 股價及相關新聞 公佈計劃AH股供股,股價下瀉14%,收報12.04元;光大證券(6178) 股價及相關新聞 亦挫15.98%,收報9.83元;中信建投(6066) 股價及相關新聞 及申銀萬宏(6806) 股價及相關新聞 都跌逾10%。投資者可以睇住內地券商股走勢同本地疫情兩個指標,如無重大不利消息,大市回落可以視為一次低吸機會,買入軍工或內地政策相關股份。

  陸羽仁

animal666
animal666 2020/07/08

Luk 9 CEO Ah Ha Ah Ha...

2028...

SIGH...

animal666
animal666 2020/07/08

 

2028...

SIGH...

2028…

SIGH…

 

 

 

//

唔買貴嘢

2017/07/25 09:28:51 網誌分類: 經濟

25Jul

          外圍股市變化不大,杜指跌66點,趁住市靜少少,我又無咁忙,答一答問題。

      近日經常有人貼我在2012年的舊文,質疑我在當年話樓貴,他們問我兩個問題,1. 點解「股平樓貴難永續」(當日文章的題)?  2. 2012年樓市是高還是低?

        簡答如下: 1. 仍然覺得股平樓貴難永續。2. 2012年樓市是高。我當日講樓升地產股唔升,兩者不會出現這麼大的差價,差價終將拉近。邏輯上之後會出現三種可能,第一樓價跌向下收窄和不高的地產股價的差距。第二地產股上升追趕樓價。第三樓價大跌樓價股價皆跌。

        如今暫時接近第二種情況,2012年樓價,以中原城市領先指數計,當年年中上升到110,比97年高位還要高。但當日恒生地產分類指數只有25000點左右。到今天中原指數升到159,地產分類指數升到36326點,中原指數升咗44.5%,地產指數升了45.3%,兩者升幅相當接近。

        唔買樓買地產股一樣升。你可以駁我買樓有槓桿,買股唔借錢無槓桿,呢樣確實係。你又可以駁我細價樓升幅比大價樓多,中原指數不完全反映現實。呢樣亦係,不過若你咁唔好彩走去買豪宅,或者新樓貴貴單位,而家比2012年跌了要蝕讓的大有樓在。

        我當日想講兩個觀點,第一是2012年樓價是高(這是第二個問題的答案,今天仍然覺得如此,不是今天更高,當日便不是高,樓價高低從租金收益率可以看到)。第二是有其他替代投資。

        第一點針對「自住的我」,第二點針對「投資的我」。先講第二點「投資的我」,這個世界有很多投資目標,不買本地港島樓去投資其他東西,可以買股票,也可以買其他地方的樓,如大陸樓,這就是所謂替代投資。最笨的如買我經常講的越秀房地產(405),每年派7厘息,2012年中3.6元,如今5元,賺價39%,加埋每年7%息,夾埋5年有70%以上回報,唔係好失禮。

        其餘如2008年、2009年我都幾經常講在大陸買樓,在2008年廣州市區天河樓1000元人仔一呎,即使到2012年也是1200、1300元人仔一呎,如今是5000元一呎,當然亦唔係咁多人買咗,我唔好講咁多,費事俾人媽我。不過對唔住,我自己過去幾年無在香港買樓,不過在大陸在倫敦買了樓,回報也不俗。所以覺得香港呢度樓貴,唔買有乜咁出奇。

        講番第一點針對「自住的我」,雖然我當日主要針對投資者,無叫人自住唔好買,我對自住用家買樓的問題都通常答案是「量力而為」,但如果你當日追問我,我會認為自住其實亦都唔太建議買。原因好簡單,我當日已覺得樓價貴,若財力唔夠夾硬去買,咁就咪制啦。

        我的心只想叫大家「控制風險」,自住樓也是長線投資,咁貴買風險幾高(今天係好高,明天可以係極高)。我見過1997年、2003年樓價大跌,好多人買了樓輸身家的慘況,有人被銀行斬倉,有人收入高頂得順,也供了20年貴樓,到今天才剛剛供完,20年收入主要拿了去供樓,特別是下跌之初頭5年,供貴樓搞到自怨自艾,搞到家嘈屋閉。所以我就扮晒巴菲特,叫大家不一定要買貴嘢。我年紀大啲,乜都見過,難免保守。

        講多兩句巴菲特,佢投資的基本點是不買貴嘢。但不冒風險不買貴嘢,貴嘢繼續升,提建議者會俾人鬧。巴菲特係芬佬,佢話試過唔買貴嘢,佢的巴郡表現跑輸大市,俾客戶日日鬧,又要沽佢隻股贖回投資,佢壓力好大,搞到電話都唔敢聽,捱幾年先至捱得過。

       都係唔好扮晒股神,我同巴菲特唔同,佢叻啲,我蠢啲。但佢搞基金怕客戶沽貨,我只係在免費網站吹吓水,無咁大壓力。我呢啲投資建議,你覺得啱睇可以睇,覺得唔啱睇可以咪睇,兩不相欠,相當自由。

//

2012年樓市是高還是低?

2028...

SIGH...

 

 

股平樓貴難永續(大結局)

2028年xx月xx日 (xx:xx AM)

 

陸羽仁

 

 

 

 

 

 

 

 

 

金融High Tea——
股平樓貴難永續(下集)
2012-07-16
      
上周五是「黑色星期五」,但股市並不黑色,內地公佈第二季經濟增長只有7.6%,市場相當冷靜,內地上證綜指微微升鰦一點都唔夠,等如無上落,收2185點。港股亦撐住19000點大關,收19092點,升67點。

        不過呢個黑色星期五去到美國仲精采,早前摩根大通深受「倫敦鯨」交易員投資失利影響,但上周五佢公佈上季業績較市場預期佳,股價勁升6%,帶動整片美國金融股抽上,再加上歐美投資者認為中國7.6%經濟增長,不是硬覑陸,杜指爆升203點,大升1.6%,終止連跌六日的頹勢,港股應有反彈,特別係跌得好殘的內銀股,應有像樣一點的反彈。

        大戶操控詮釋權

        股市就係咁,上上落落,壞消息面世時,又話「好過預期」、「其實唔係咁壞鎹」,股市升彈。股壇老雀極短炒時鍾意炒相反,認為如何詮釋市場資訊的權利在大戶手上,佢地鍾意同散戶做對手,所以要極短期炒作,只能在市場評價好差時買,在評價好好時賣。

        上星期寫了篇文「股平樓貴難永續」,講起網友「硬道理」在09年中因錯判市況,將05年入市的自住樓賣掉,然後將所有資金分段投放在A50(2823) 及工行(1398) 上,如今樓價升了,投資的股票跌了兩成多。文章見報後,迴響不少,有不少甚為專業的老友都有評價,可以寫寫他們的寶貴意見畀大家參考。

        第一,順大潮流炒作。有一個擅作價值投資的老手,睇完「硬道理」棄樓買股的手法,有此感歎,「買股票要年年有表現,其實近乎炒作,不是投資,炒作要順勢,唔講你個網友『硬道理』把自住樓賣掉,要冒上替代使用成本高升的風險(租金上升),單就炒作而言,佢鱓做法都是逆勢施為。」

        投資老手話,股神巴菲特咁成功,除鰦佢善睇公司價值,低價入市之外,佢都有「順勢投資」的味道,才不止長線有表現,而且中短期都有表現。例如佢在2002年、2003年以2元多的低價大手買入中石油(857)
,除了因為中石油股價低迷外,還睇到2002年911事件後,美國大幅降息,美元將持續走弱,石油等商品價格將長線走強的大趨勢,當時美國石油股唔便宜,就買纒中國石油股,結果食正油價連年大升的潮流,多年後就在10元以上沽出中石油獲利。

        股神都要順勢買

        又例如巴菲特在2011年1月以440億美元收購美國第二大鐵路營運商伯林頓鐵路公司(BNSF)。巴菲特雖然聲稱這次收購是對美國經濟前景的一次豪賭,但如果真係咁睇好美國經濟前景,點解係買鐵路公司而唔係買銀行?巴菲特係睇住美國正發生可能長達10年的非槓桿化過程,靠借貸賺錢的銀行唔係咁掂,投資進入低回報年代,加上油價高企,所以就買入鐵路這種回報較穩定的傳統公用事業,這種行為和李超人去英國買電廠、水廠有異曲同工之妙。當然,巴菲特偶有睇錯大潮流出事的投資,例如油價高睇好電動車,過份放大呢個行業的發展,入股比亞迪(1211)
,結果概念掂生意唔掂,股神勝在以8元入股比亞迪作價夠平,所以佢未死只是跟風者死晒。

        投資老手話「硬道理」在09年買入工行和A50基金長獱,事後睇係逆勢投資,因為阿爺在08年驚得滯大力投放4萬億救市,令股市和樓市當年升得太勁,再加上基建泡沫,觸發巨大通脹,2010年開始要收水救亡,這種收水潮,對投資內銀的氣氛不利,「硬道理」投資失利,係睇唔飱呢個收水大勢。反而好多人中短線炒纒內銀,跌得多買鱓,升一兩成走人,仲搵到食。

        第二,買樓有利長獱。我有另一個老友是極資深投資銀行前輩,佢20年前係巨型銀行的投資銀行部獱fit人,一直鍾情股票長線投資,唔喜歡買樓,當然佢亦有兩三間樓畀自己和屋企人自用,但他和香港人大多數發達方式不同,主要投資放在股票之上,而且係20、30年咁長獱。

        這位投行前輩舉鰦個例,佢話當年佢在包銷上市的公司中,揀鱓好鱓公司,用好少錢例如一、兩萬去買它們的股票(呢鱓錢在他而言只是零錢),買鰦十家八家公司股票,夾埋只是用鰦十幾萬,到而家無計歷年收的利息都值400幾萬,當中仲扣埋有一家公司執鰦笠股票變廢紙。佢話我可能唔覺得400幾萬係乜№錢,但佢只想試纒證明,長獱優質股票,獱得夠長有好回報。

        散戶買股難長獱

        當然,佢當年係投行大佬,睇住呢鱓公司上市,知道晒佢地盤數真假,佢長獱的股票有質素。佢承認呢個係事實,普通股民唔識揀,好多時會揀鰦鱓垃圾股,佢以內銀為例,雖然好多人怕內銀有壞帳黑洞,佢就唔係咁驚。呢個前投行大佬係中國好友,話中國第二季經濟仲有7.6%增長,仲話已經見鰦底,咁有乜№大問題,你睇纒歐美日的經濟有幾多增長?點解覺得美國好似安全過中國?美國最好的年代也只月3點幾巴仙增長,美國今年第1季增長只有1.9%,有幾好?所以拉長十年睇,佢唔覺得股票投資有乜問題,但你要日日問股價,日日去比較,咁就大問題囉,心理好易不平衡。

        前投行大佬話,一般人買樓好過買股,除了因為買樓有槓桿外,還因為買樓焗你長獱,但買股好易出出入入,但完全唔贊成投資者買股「游水」(將長線投資的股份高位沽出低位獱番),因為覺得大部份股民沒有合適的心理質素,所謂高沽,可能升少少沽鰦,結果只有輸錢股會長獱,賺錢股一早就沽走。內銀現價息率4厘、5厘,點解唔可以長獱?佢認為若有心理質素長獱,買樓買股都得,只要選擇低位入市獱佢十年廿年就得啦。

        第三,最怕係樓價追股價。聽完呢兩個朋友的意見,雖然好似一個話內銀唔得,一個話內銀得,其實只是中短線和長線的分別,內銀價殘,卻是大家都同意的事實。

        有一個靚女朋友上周問我,好買唔好買一個西半山樓盤投資,16000元一呎,佢想買一個500呎細單位租畀人,話利息咁平,隨時供平過租,有租金淨收入。我計一計,500呎單位盛惠800萬大元,呢鱓單幢樓實用率好低,500呎樓有300幾呎都偷笑,呎價真係貴得好緊要。但我見靚女貌美如花,好怕叫佢唔買一年後升到20000元一呎佢鈬找我晦氣,只能咁同佢講,樓價咁貴,但利息續低,升3成變20800元一呎當然有可能,但跌4成變9600元一呎也有機會,好似跌的機會大過升少少,就算升鰦上20000元一呎,兩年內賣要畀特別印花稅,利潤無鰦一大截,叫三思才好後行。

        靚女又問睇完我話「股平樓貴」,係唔係股價會大升?我見靚女一面「炒相」,好似唔炒樓想炒股咁,就提佢小心係「樓價追股價喎」,在這種百年不遇的金融海嘯中,投資唔好太冒進啦。

        陸羽仁

 

 

 

 

 

 

 

 

 

 

金融High Tea——股平樓貴難永續

      

2012-07-09

 

       中國減息沒有為上周五的市況帶來太多刺激,主要因為外圍唔好,內地股市上周五早段一度唔升仲要跌,搞到港股早段都要插,尚幸上證綜指當日午後都炒番上去,最後升1%收場,造2223點,港股都算收復失地,恒指只微跌8點。不過美股上周五又因為新增職位不理想,杜指跌124點,港股今日都要捱一捱。

      股市唔好景,炒股的人愈來愈少,傳統智慧話無人買才是投資股市最佳時機,不過在歐美大崩圍兼大放水時代,傳統智慧係唔係咁啱用,都令人存疑。股票買唔買都得,但買樓有實際使用需要,就必須處理,令人有好大煩惱。網友「硬道理」早前在頭條網留言提問,我覺得問題有普遍性,所以不妨引述一吓。

      網友「硬道理」咁講:「自問是紀律良好但不善投機的長線投資者,在09年中因錯判市況,將05年入市的自住樓賣掉,然後定下長遠投資目標,當時看好中國的長遠投資前景,將所有資金分段投放在A50(2823) 及工行(1398) 的股票之上,期間看着樓價不斷上升,雖然十分痛苦及無奈,但依然嚴守紀律,分段吸納,但3年過後,租金已將賣樓的利潤耗盡,自己的投資卻原地踏步,後期更是反覆向下調整,其中持貨較高的A50已比我入貨的平均價下跌28%,工行也下跌了22%,在後期將買貨目標轉至民行(1988) 及中銀香港(2388) 才止血,但倉位已滿,分配大概為A50 50%,工行30%,民行10%,中銀香港10%,由於A50及工行佔去總投資額的80%,令總投資虧損嚴重,本來看錯市受教訓是應該的,唯有處變不驚,靜待市況逆轉……工行、民行及中銀香港的投資,暫時偏向以不變應萬變,除非歐盟真的出現架構溶解的危機才考慮減持,這策略在這時勢還可取嗎?」

      沽樓買股受重創

      「硬道理」又問:「尤幸內子沒有給予太大壓力,亦從未有因為經濟緊逼而爭辯,但總會有片言隻語流露出對自置物業的渴求,但現在似乎在2014年利息回升之前,也看不到有再上車的時機,要說置業的好時機,可能還要再等2016年,因樓市縱然下調,開始時也會比較反覆,大量的剛性需求,會促使樓市在下跌初期不斷有小幅反彈,直至積壓已久的購買力完全釋放後,樓價便會正式受到考驗,陸老師同意這觀點嗎?」

      他又說:「由於對自己的長期投資策略開始抱有懷疑,我在銀行跟我推銷3個月超低息借貸時,借了一些額外資本,總利息成本為0.3%,我以這些額外資本嘗試以5%止蝕及高位回5%止賺的硬道理進行短炒操作,最低目標是保本,幸運地由於市況好轉,暫時的成果比預期更成功,由於要控制風險的關係,所以不打算加大短炒的資金,但的確對自己的投資紀律挽回不少信心。」

      「硬道理」的提問很長,佔了不少篇幅,希望《頭條日報》老總不要以為我在騙稿費,我覺得「硬道理」講了不少等買樓的市民的心聲,所以不妨長篇引述,我以點列回應。

      第一,賣自住樓要小心。我一直在講,如果是投資的樓,覺得樓價好高,賣咗出街,即使樓價再升,也只是賺少了,只要平常心對待即可,但賣自住樓要小心好多,這是一個百年不遇的金融海嘯,各國中央銀行也以百年不遇的手法去應對問題,結果難料。聯儲局主席伯南克的博士論文,就係議論美國1929年的大蕭條,主要觀點是若當時央行大力放鬆銀根,就不會蕭條10年咁長。伯南克如今正試驗他的理論,係唔係咁簡單放啲水就得,無人知,正因為咁,美國的利息政策係點,亦好難估。利息影響樓市,所以樓市的中短期後向無人摸得準,人人都知到加息時香港樓市好可能唔掂,但到底幾時加息呢?

      若伯南克成功救番美國經濟,可能在2014年,甚至更早就加息,樓市壓力就來。萬一相反救極都唔掂,而且再步向衰退,美國有通縮而唔係通脹問題時,只能令利息超乎想像長期低企,咁樓價又唔係咁易碌番落去。賣咗自住樓要長期租樓,好似「硬道理」老婆咁唔嘈已經好好,若一方賣樓,另一方老婆老公唔同意,鬧得一兩年,離婚都有可能,最悲哀係離咗婚樓市先至跌,證明當初賣樓的決定係啱,但一切都太遲,所以賣自住樓,除了睇市之外,還有一個感情因素要考慮。

      第二,做咗不要後悔。好似「硬道理」咁,睇落有清晰思路,有自己邏輯,就不要動搖。他的理論是樓貴股平,所以賣樓買股,而家睇落唔啱,因為樓升股唔升,佢有少少動搖,仲借錢炒股,我建議佢唔好借錢炒股,因為咁樣就開始偏離長線投資的基本策略,好易一錯再錯。堅持買股長線投資,可能5年後發現係啱。

      長揸平貨是正道

      第三,股樓背馳難永續。由於央行的行為「反常」,長期低息,大量放水,谷高通脹,推升實物資產,令房產和商品等供應好難短期增加的實物資產大幅炒起,但供應相對彈性的股市炒唔郁,結果出現內地十年股市原地踏步,樓價升咗10倍的畸型現象,雖然內地早幾年因為股改將原本不能買賣的公司大股東持股投入市場,令股票供應大增,但兩者背馳成咁,都有股票太便宜、樓價太貴之歎,恐怕差距會慢慢修正。貴嘢會跌,睇商品已睇到,反映商品價格的商品研究局指數(CRB CCI Index)去年4月上到691的高位,現已大幅回落至545,技術上跌20%已入熊市,佢已從高位跌21%,熊味不輕,再大幅下滑就確認大趨勢。CRB指數在2002年美元大跌之前,長期只是在200至250中間浮沉,未來若全球經濟再走弱,對商品需求再減,商品價格下行空間極大,其他貴價資產亦然,內地房產價格已回吐,香港樓價又能否長升不跌?當然,我講的是長線走勢,短期一年半載內樓價唔回甚至再升都唔出奇,對無樓者仍然係好大煎熬。

      第四,長揸收息唔失禮。我自己愛做長線投資者,本來好唔鍾意將長揸的股票出出入入,認為散戶點解買樓易搵大錢,買股無乜進帳,皆因持股坐唔定,升少少就走,所以一直建議「投資的我」買股要長揸。有人話而家啲股票係「呢世唔會再見到咁平」,所以你忍得住長揸,或許可以發達。不過好似「硬道理」咁,長揸A50基金和工行,而家仲要輸20、30%,心理上的確好惡頂,本來長揸A50基金有1.7厘息,好過放銀行,揸工行有5.8厘息,簡直吸引,唔睇股價就得,我的建議係揸落去,唔好低價出貨。若真係頂唔順,又估大市可能都係波動上落,可以等大市從低位升3000點時沽部份股票(只沽部份,不要清倉),博佢回吐跌番2000點時揸番,也是降低成本的方法,但要好有紀律去做,唔好太受市場影響,唔係沽咗唔去買番,就變成低位出貨,這種「游水」動作,要有定力才好做。

      最後總結,一般人覺得買樓容易炒股難,主要係揸股票無定力,買樓迫住你長揸而已。長線投資一定要買平貨,才是正道,如今樓貴股平,要長線投資,選擇清楚不過。

      陸羽仁

 

網友
網友 2020/07/08

{#icons_cat2}