珍惜香港
珍惜香港
珍惜香港

半夢半醒

2019/12/14 10:09:01 網誌分類: 時事
14 Dec

擾攘咗大半年嘅社會事件,搞到好多香港人,半夢半醒。每日打開 FACEBOOK,又喺果一大堆,唔知大家會唔會覺得好煩?我建議各位唔好跟得太貼,不如蜻蜓點水,收下啲重點就算,唔喺真喺會有幻聽,即喺好似繞樑三日咁,恍惚見到、聞到乜嘢,都喺同果啲東東有關。 

冇大台嘅領導

話說前兩日,我打開 FACEBOOK,真喺唔知撞乜,又彈咗「過氣大師」嘅 POST 出嚟。本來都冇諗住回應,費事俾人覺得,我好似成日針對住佢咁。不過佢無啦啦彈出嚟,又搞到我幻聽咗成兩晚,結果都喺忍唔住要寫返幾隻字。 

大師以「Leadership is dead. Long Live Leadership」為題,分享咗數碼時代,一個嶄新嘅領導概念,名為分佈式領導(DISTRIBUTED LEADERSHIP),佢仲話自己會以呢個模式,與各方共同重塑未來添。唔知我喺唔喺太多心,總覺得有啲唔妥,因為 DISTRIBUTED LEADERSHIP 只喺响理論同分析階段,未有認可嘅實用模式。近年流行嘅去中心化(DECENTRALIZATION)理念,比較有代表性嘅,應該喺 BITCOIN 基於 BLOCKCHAIN 嘅成功實踐。不過响 BLOCKCHAIN 嘅架構裡面,喺要講求精準嘅交易傳播同儲存,絕對唔可以有半點偏差。 

但大師講果種,喺基於一個「共同理念」為中心嘅分佈式領導,而理念本身就已經喺糢糊,仲要加埋啲所謂創新嘅分散式自由發揮,簡單啲講,就即喺共同理念,各自表述,咁你估會發生乜事? 

歷史上,有祖國嘅文革;新鮮滾熱辣嘅,就喺今日香港! 

獨角腦殘

睇嚟大師仲以為,餵下啲希望俾年輕人,就可以為社會重塑未來,我已經講過好多次,呢招喺唔 WORK。咁究竟香港,仲有乜嘢出路?我當然知道答案,出路只得一條,冇其他,不過你地唔會鍾意聽。話說,有人出一千萬,想搵人度條好橋喎!講真,用「」搵出路?死路就有你份!不如你試下响隻獅子面前,宣揚你嘅大愛,睇下會點?呢個世界,總有人心甘命抵,出埋錢俾人呃,唔怪之得通街都喺騙子啦! 

我唔喺講笑,真喺好多人被騙,尤其近呢大半年,而最奇怪嘅,就喺佢地似乎都幾享受呢個過程。所以你同佢地講狼來了,莫講話三次,就算喺無限次都 WORK。呢種人,分佈於各個階層,以及各行各業,我稱之為「獨角腦殘」,因為佢地只能夠以單一角度睇事物。唔好以為知識水平越高、分析能力越強,就可以倖免,如果你只能夠以單一角度睇事物嘅話,咁就算你知識水平幾高、分析能力幾強,你嘅知識同分析能力,都只會成為強化你單一角度嘅工具啫。 

「獨角腦殘」嘅成因,主要有三種。第一種最易解釋,就喺未見過世面嘅年輕人,好似張白紙咁,一劃就花哂。第二種,本身對事物嘅睇法,已經有所偏差,再經歷一段時間嘅潛移默化,逐漸推至純單一角度。至於第三種,通常 APPLY 响啲自以為是,自命中立,同好有原則嘅人度。但奈何,所謂嘅原則,同「騎呢」,本來就喺同出一轍,所以當佢地遇上一啲重大事件,嚴重衝擊到自己某啲不可妥協嘅原則果陣,原則就會主導思維,一次過掃低哂所有違背原則嘅其他角度,剩返一隻獨角。呢個現象,近半年,簡直令我大開眼界,區區一隻萬花筒,就將一個人嘅態度,以及對事物嘅焦點,作一百八十度嘅轉變,將一個人嘅意志推倒,使之沉淪於真「相」與「真相」之間,不能自拔。呢隻萬花筒,有個稱號,叫「721」! 

獨角個腦,可以有幾殘?好似 831 死咗人啲咁低級嘅大話,都竟然會有人信到十足,真喺無言。輪姦、浮屍,總之啱 CHANNEL 嘅,就點屈都得。邊間舖同你有仇?使乜出門,只要 PO 下啲假相,作下故仔,就有人幫你搞裝修,呢副黃黑機器,好使好用。你好心點醒下佢地呢,唔領情之餘,仲話你「裝睡」。記得 2016 年睇過一篇題為《你永遠都無法叫醒一個以為正在叫醒別人的自己》嘅文章,大家可以參考一下,尤其喺呢一節: 

無錯,叫醒一個裝睡的人比叫醒沉睡的人難。但是,最困難的其實是叫醒一直沉睡的自己——自己在夢裏還卻以為別人在裝睡。其實,「總是認定別人在裝睡」是另一種裝睡。甚或說,它比「裝睡的人」更坎坷。 

半夢半醒

唔知各位有冇試過,半夢半醒? 

美夢發到一半,醒與唔醒之間,你會點做?梗喺抱頭再瞓過,追返個夢啦! 

話說,果位方星筆,早前响自己個 FACEBOOK 度,發文批評台灣民進黨,結果引起咗一場風波。兩日後,佢又出文道歉,跟著仲專程飛咗去台灣 SAY SORRY 添。睇返佢 FACEBOOK 原文:「難免令人聯想到民進黨有只想用香港人嘅鮮血黎換取台灣人嘅選票之嫌」。寫得出呢一句嘅,唔好話我知,佢冇經過大腦。 

民進黨借香港反修例拉票,根本就喺眾所周知,鐵一般嘅事實。年輕人,乜唔喺有「高尚」嘅目標,開口埋口,講公義咩?咁點解要道歉? 

好簡單啫,因為唔道歉嘅話,就會醒啦!

回應 (3)
我要發表
花姐
花姐 2019/12/16 14:42:52 回覆

好簡單啫,因為唔道歉嘅話,就會醒啦! {#iconb_273}

珍惜香港
珍惜香港 2019/12/16 02:45:55 回覆
@歷史長河...

If you are not a liberal when you are 30 you have no heart ...

這勾起了兩年半前,我曾寄語年輕人的一句話:

心,可以死,但喺,千祈唔好成魔!

歷史長河
歷史長河 2019/12/15 23:13:40 回覆

記得有句話叫:

“If you are not a liberal when you are 30 you have no heart,

if you are not a conservative when you are 40 you have no brain”

過氣大師越活越年輕,越活越明白。😀😀😀

user

已關注

最新回應

AC
AC 2020/02/25

{#icono0_45}

歷史長河
歷史長河 2020/02/23

哈哈,珍兄越玩專業👍👍

珍惜香港
珍惜香港 2020/02/21
@CD ROM...
 
謝謝支持!如我所料,訂閱嘅增長果然喺寥寥可數。
BY THE WAY,關於呢個疫情嘅發展,或者真喺會演變成我提及過嘅第二可能性,即喺好似流感咁,最後都要無奈接受佢嘅存在,每年季節性爆發,呼籲市民打下疫苗就算。
其實,尋日王辰接受央視訪問,亦提出咗呢個可能性,大家要有心理準備,多一隻流感。都喺果句,平常心啦!
CD ROM
CD ROM 2020/02/20

珍兄, 已訂閱~~~