給認識與不認識的人
2019/12/28 10:30:47 網誌分類: 寫作
尋日做咗件都算幾大膽嘅事，可能會嚇親一啲朋友，就喺响我個 YOUTUBE 頻道，發表咗一段影片。
但其實都冇乜大不了嘅，反正我呢份人，唔鍾意太高調，所以你地唔使旨意會响條片入面，見到我個嘜頭啦！至於點解要拍片，喺因為我有啲訊息，想傳達俾時下嘅 KOL，特別喺啲自稱藍營嘅 KOL。而既然對象喺 KOL，就當然要用返 KOL 嘅表達模式。
個訊息本來好簡單，只喺希望佢地團結、OPEN MINDED、同放下門戶之見。不過我又改唔到自己果種長氣嘅陋習，結果前言後語，錄咗成 46 分鐘，都真喺幾長，要佢地見得到之餘，又有耐性睇哂嘅，可能都真喺幾渺茫。但我又唔想再錄過，ANYWAY，都喺果句，隨緣啦！
【珍惜香港】首次發表！
影片嘅最後，我分享咗自己一篇舊回應裡面嘅其中一節。我覺得呢一節嘅內容，都幾啱呢個網站嘅作家同網友，就借此分享埋俾大家：
「可能會有人以為，寫專欄很了不起。其實在我而言，寫專欄和寫回應，沒有多大分別，反正以前我亦寫過很長的回應，心態和寫專欄一樣。如果要說分別，或許是在於回應是回覆特定的人，專欄是寫給所有人吧。但這個定義在實際運作上是很糢糊的，因為回應不同私信，那是公開發言，全地球都看到。我和其他網友，都有不時借回應表達自己的理念、想法和理論，而這些訊息，會影響到這個世界上，你認識以及不認識的人。這些影響，其實和專欄的都是一樣，觸及到被回應者以外的人，只不過是姿態不同而已。久而久之，我們會和他們建立了一些關係，這是感情關係，並不是普通的關係。我們不能把網友，尤其是那些不認識的，視為一堆文字，呼之則來，揮之則去。因為他們是有血有肉的人，每一個背後，都有著不同的故事，而對我們也是有感情的。」
參考連結：花園街、獅子山精神、長沙灣村 1975、長沙灣村 1998、支持警隊、獨角腦殘、萬花筒、各界人士、持份者、陳怡、龍心商場直播、龍心剖白、龍心與年輕人、結語分享。
回應 (0)
我要發表
