羅致光訴60載情誼 局長講「獅子與我 」故事
2020/01/06 04:12:24 網誌分類: 生活
原來，羅致光局長就小學一、二年級時，家住堅尼地城，經常喺放學後，會由位於大坑嘅學校行兩個幾鐘返屋企。香港街景同六十年代有很大分別，但滙豐門前一對獅子依然如故。佢憶述，當年係初小學生，路過依兩隻「巨大」獅子時，敬而遠之，冇勇氣爬上去摸它。不過，佢自從擁有獅子錢罌同舊滙豐銀行大廈錢罌後，感覺同兩隻銅獅子親近好多。
羅局長大學畢業之後，加入滙豐電腦部，喺總行工作咗兩年間，每日出入「錢罌」大廈。放工時，行出德輔道中，就同銅獅子「史提芬」、「施迪」講再見，再行返堅尼地城。佢提到，過往數十年同「史提芬」、「施迪」「疏遠」了，即使偶有「相遇」，亦無在意。直至最近有有放火燒獅，佢不禁攞出紙幣，睇吓印喺上面嘅獅子銅像。佢話，放縱心中怒火，就會破壞人同人之間嘅關係，令社會更撕裂、更難以修復，反問唔通真喺要失去了，先懂得珍惜？
局長與獅子嘅故事，令Kelly想起電影《獅子與我》中，居住喺肯尼亞嘅喬伊同丈夫喬治，收留咗一隻失去母親嘅小獅子艾莎，視艾莎為親人。但到艾莎長大，喬伊都係忍痛將艾莎放歸野外，重拾野性。大家每作決定都會有取捨，Kelly希望各位好好珍惜。
Kelly Chu
■滙豐門前的銅獅子早前被縱火。小圖為電影《獅子與我》劇照。
回應 (0)
我要發表