通識0分到5**的故事

近排同2021DSE嘅同學吹咗陣水，見到好多同學都對自己而家攞到嘅成績唔太滿意，好想做好啲、有進步，喺公開試考到好成績。為咗鼓勵大家，小編決定同大家分享吓自己由中四通識攞零分去到DSE考5**嘅故事😆

小編中四嗰陣第一次接觸高中嘅通識，唔識啲作答框架、重點概念等等嘅嘢，考試又寫得慢寫唔必，結果老師話我冇內容、啲字太醜冇心機睇，成題通識問題俾咗零分我🥺 講真，嗰吓真係好大打擊架🤢

但係小編知道通識係主科唔衰得，於是去咗補通識，學考試技巧，平時多啲留意新聞儲時事例子，練寫字寫得快啲，結果喺校內考到通識全級第一（嗰次係小編第一次考到第一名🤩）小編覺得自己嘅努力冇白費到嗰下真係好開心架☺️☺️ 而小編最後喺DSE亦都考到5**，買咗卷番嚟仲睇到個分數係 382/500 (76.4%) 高過當年72% cut-off一大截，真係好開心好開心!!

如果同學仔而家對通識科仲有啲迷失，唔知點應付呢科嘅話，小編有啲tips/溫習方向俾大家：

👉🏻 熟讀每種題型嘅作答框架

👉🏻 多學唔同單元嘅重點概念 (key concepts)

👉🏻 平日多睇新聞學時事例子

👉🏻 練習寫字寫快啲

👉🏻 多啲操 DSE LS Past Paper, 俾學校老師/補習老師改

小編仲將自己多年嚟學到嘅通識應試技巧、高分嘅秘訣編制咗成一份通識5**筆記，入面有齊各種題型嘅作答框架、題型分析、作答例子、高分嘅要訣等等，同學唔識點做通識卷都教到你識！ 你會買到小編咁多年嘅補習錢（每個月$600幾蚊😭）加埋自己分析研究綜合出嚟嘅5**精華呀 🥰 上 hkdsegayau 網站就會見到 :)

大家要俾啲信心自己，小編做到你哋都得！💪🏻