美期貨再插
上週五係美股「四巫聚首日」,係主要結算日。股市食住杜指期貨大升和外圍歐亞股市造好的勢頭,早段係威係勢,杜指朝早大升,最高升445點,之後見頂回落,到下午1時已打回原形,一路向下,杜指收市倒跌913點,收報19173點,跌幅4.6%;標普500指數跌4.3%,收報2304點;納指跌3.8%,收報6879點。
結果美股上週表現,認真悽慘,係2008年10月以來最大單週跌幅,杜指累跌17%,標普500指數累跌13%,納指跌12.6%,杜指、標普500指數和納指較2月中創出的歷史高位,在大約一個月的時間分別回落了35.2%、32.1%和30.1%,熊仔出現的速度更係歷來最快!
另外,杜指期貨周日早上開市時大跌954點,達到了「跌停」的最大允許漲幅,並且在周日期貨交易開市後的數分鐘內停牌。杜指期貨跌停皆因救助方案未能通過參議院一個程序表決,觸發進一步的跌市。
另外,金融市場個多星期前開始掀起無差別拋售潮,股票、黃金、外匯、債券及大宗商品,發達國家及新興市場債券統統遭拋售。唯一例外的是美元匯價。倫敦ING的外匯策略主管Chris Turner表示,「所有能賣的,都被賣出套現,轉而買入美元。」
美元指數上週五大漲至102.99的三年新高位,全星期上漲了4.5%,係2008年以來最大周漲幅。Chris Turner認為,美元高漲的情況不會很快扭轉,可能會一直持續到新冠疫情消退。
油價跌勢更是異常急勁,上週五紐約期油大插11%至每桶22.43美元。高盛此前表示,能源需求因為新冠肺炎疫情全球爆發大減,再加上沙地和俄羅斯打減價戰,紐約期油會跌到20美元一桶。油價上週跌至20.5美元左右略為反彈。
高盛上週五再在一份研究報告中表示,在短期內美國推出措施頂住油價,而油組等核心成員國也會限制產量,估計會推動布蘭特期油在第二季企於每桶30美元上方。油價上週五雖然急插,但能源股卻逆市造好,標普500指數能源板塊升1%,係表現最好的板塊,而工業、地產、科技、通訊、醫療等板塊跌4%至5%!
聯儲局上週五推出更多放水措施,宣佈通過「貨幣市場共同基金流動性便利工具」( Money Market Mutual Fund Liquidity Facility,MMLF)向貸款予貨幣市場互惠基金的金融機構提供優質資產抵押貸款,以舒緩貨幣市場因投資者大恐慌性拋售資產造成互惠基金資金短缺的壓力,加強整體市場運作。另外,又先後與14家央行建立互換額度,以緩解全球美元流動性短缺的問題。
不過,正如我經常提到的,美國的新冠肺炎疫情未降溫,特朗普政府的抗疫措施未能給予公眾的信心,股市不會反轉。美國Johns Hopkins大學上週五公佈,美國累積新冠肺炎確診個案超過1.4萬宗,死亡病例超過200宗。而紐約州及加州先後宣佈全州範圍內的「居家令」,影響的人數涉及約4000萬人,反映疫情已非常嚴峻,股市馬上回插。
IndexIQ的首席投資官Sal Bruno表示,「市場現時的交易主要基於情緒多過實際的數據,造成了市場的大幅波動。」我覺得事實也並非完全如此,因為美國的疫情未受控,有很多分析已經指出,這場新冠肺炎疫情爆發,已造成和將會造成全球經濟前所未有的損失,全球最大的避險基金「橋水基金」的創辦人達里歐早前已表示經濟衰退即將來臨,上週四,他重申,市場正面對一個前所未有的危機,他估計這場疫情將造成美企達4萬億美元的損失,很多人將會破產,而政府需要動用很多很多的錢去支撐經濟。
陸羽仁
避風公用股都吹到起浪
2020年03月24日
全球疫情緊張,香港防治措施要加辣,美股杜指期貨在亞洲區再下插逾900點,幾個因素令港股回跌1108點,上周五反彈化為烏有,之前相對硬淨的地產股、公用股都變成災區。
港股上周五反彈係威係勢,但美股跌勢未止,上周五杜指插913點,跟住杜指期貨再插954點,港股開市就碌低,全日喺低位徘徊。歐美疫情一如預期不斷惡化,美國持續將防疫措施升級,但仍然擺脫不了「唧牙膏」式做法,各項措施予人感覺落後。
西方社會運作係小政府、大市場,私人機構主導各種活動,他們除了考慮公眾安全,同時會睇住自己檔攤。好似他們的醫療體制向來睇錢份上,遇到天災反應不過來,就令病毒在社區迅速擴散。美國如今還未做到好似中國一樣嚴厲的隔離措施,相信染疫同死亡數字未見頂,投資市場氣氛會繼續緊張。
內房航空股紛跌逾10%
港股現在被外圍牽住走,恒指下瀉1108點,收報21696點;國企指數收報8751點,挫366點,兩大指數又再跌近低位,成交金額1375億元,短期會否再尋底,都係要睇外圍。由於美股期貨喺外圍已經回落954點,如果周一美股開市回落幅度在這個水平,港股大致已反映這個跌勢。
藍籌股全軍覆沒,由於擔心美國經濟急速轉壞,創科(669) 瀉13%,收報42.45元,為表現最差藍籌股。科網巨企阿里巴巴(9988) 大股東軟銀計劃未來四季出售持股套現,拖累股價急跌,以全日低位收市,收瀉7%,報170元。
大市輪流下插,恒指回落4.8%,但被視為穩陣的公用股指數竟急插逾8%,地產股指數插逾6%,兩個板塊本來被視為受惠減息,結果喺大市不斷受壓下,避風塘都吹到湧起跌浪。現時中電(002) 喺海外有不受利潤保障的生意,煤氣(003) 上星期宣佈減派紅股,股價分別下挫5.8%同10%,分別收報65元同11.96元。
內房多股錄得逾一成跌幅,恒大(3333) 發盈警,股價大跌17%,收報9.94元;綠城中國(3900) 股價下瀉15%,收報7.08元。
股市連續下插個幾月,不少股票跌到好低殘,陸續有大股東出來私有化公司。曾經威盡一時的利豐(494) 公佈,大股東建議以協議安排方式,將公司私有化,每股股份註銷價1.25元,較收市價溢價約1.5倍;預計全面交易總代價72.2億元,股價昨收報0.94元,升88%。利豐「高價」私有化,不過真正笑得出的小股東相信好有限,因為如今作價與九年前高位25.4元,只係大約5%左右。
利豐私有證買貴股不划算
曾經係全球供應鏈一哥的利豐,股價曾經再升長有,估值去到30、40倍市盈率,陸羽仁信念係堅持不買貴股,所以無論係股價上升抑或係近幾年長期回落期間,都不建議沾手該股。
去年利豐宣佈出售部份旗下物流公司,予新加坡政府嘅淡馬錫控股,當時物流公司估值作價14億美元,有人計過利豐所持股權仲高過公司總市值,認為股價有分拆概念,所以股價由1元炒上1.4元水平,可惜好景不常,下半年股價反覆回落,炒分拆者偷雞不成蝕把米。
上星期股價以0.5元收市,大股東出手私有化,偷雞者錢未必贏到,但已經算係執翻身彩。從股價較私有化作價仍有明顯距離,說明市場都仲擔心好事多磨。如果利豐最後成功私有化,大股東平價收番起間公司慢慢搞,日後好可能移形換影再上過市,但小股東就已經計數離場,這個結果再驗證買貴股好多時都係不划算。
陸羽仁
Breaking news...
//
美國聯儲局宣布,將按需要無限量買入美國國債及MBS的操作。
//
2028...
SIGH...
小貓兄,預咗你會攞嚟做文章回應
簡單問你一句:武漢李文亮醫生,究竟係造謠者,定係抗疫英雄?
呢啲唔係你推出你啲數字、你自己邏輯*,就可以解釋晒共產黨做過嘅嘢
既然袋鼠認真嚟答你,但係你結果都係要咬住上,咁袋鼠都唔使客氣嚟講,*其實你原文係無數字、無圖表、錯邏輯,理由早已另文講解
不過你起碼識『IC』,即係同意袋鼠對染病增長率解釋吧?
===
袋鼠兄:
IC
.....但,就算是中國的曲線都無同其他國家有太大差别,咁就有D奇,因中國個條係最早畫出來的波@0@
袋鼠兄:
IC
.....但,就算是中國的曲線都無同其他國家有太大差别,咁就有D奇,因中國個條係最早畫出來的波@0@
沙地阿拉伯係獨裁國家(記唔記得土耳其使館殺記者嗰單案?),維穩就用幾高嘅國民福利,全部係靠油價暴利嚟支持。所以其實對佢嚟講,油價最好唔好太過殘。只不過佢國家揸好多美國國庫債卷,又剛剛IPO圈唔少錢(而且只係賣1.5%股份),大把時間同普京玩
只不過亦都聽聞過,中國同俄羅斯都簽咗25年定價供油,講緊80蚊一桶 - 呢一點就你自己去查吓,如果係事實係咁貴嘅話,即係習近平係出錢墊底,幫緊普京打油價戰。呢樣又有啲似東江水供港,夠用都繼續塞俾你,堅持履行合約。
講開中國簽約,其實委耐瑞拉先至過癮,當年查維斯,油價高自然國民福利好,佢又問中國借錢預支政府開支,只不過簽合約,定期作定額還款,但係唔係還錢,而係以輸出石油到中國代替。
因係合約係計即市油價,即係油價高嘅時候,委耐瑞拉輸去中國嘅石油會減少,餘產可以在公開市場賣,十分好賺;但係油價低時,大量石油出口到中國,自己就一滴油嘅收入都無剩,所以委耐瑞拉响上次2014年油價戰,成個國家一夜崩潰。
兩條石油大喉射出嚟,睇嚟中國呢幾年都要挖多幾個窿儲油。
唔出奇,因為城市爆發為主
用人口密度做準則,你究竟係用國家領地面積,抑或係疫區城市面積做準則?
好似袋鼠國大把無人住嘅沙漠,放大咗個地面積基數,將個國家人口密度拉低好多 (雖然城市居住面積都係大過香港)
好多西方國家中型城市,人口少過香港,但係朝早可以好似香港一樣,迫巴士、迫鐵路返工,餐廳編座位,亦唔一定疏過香港,入酒吧、入球場睇波更加無分別。
反而生活習慣 (日本),及民眾意識 (香港) ,政府嚴控(中國、南韓、新加波) 係可以減低染病增長率。咁多國家keep住同一個增長率,係防疫意識唔夠,同埋呢隻病嘅潛伏期長,爆發後任何有效措施﹐都要成7-14後先至會開始見效,當中期間就只有睇住幾何級數增長。
是否照此表,沙地要油價跌到6.5元先開始蝕?
(引用2016年數據)沙地石油生產價係講緊3蚊一桶,計埋『燈油火爉』,都係9蚊鬆啲
睇嚟再次跌到10蚊,實行要普京蝕到入肉,都有可能… 不過好多油公司、 IPO買咗佢國營上市公司Aramco,就有排無運行
Price of oil - Wikipedia
taxes
spending
costs
transport
Oil and gas barrel production Cost, March 2016[64]
1998年,油價跌到10蚊一桶
當時都好似OPEC內部傾唔掂數,打咗幾年油價戰
第一次伊拉克戰爭(1990-91),其實油產爭執都係原因之一
WTI Crude Oil Prices - 10 Year Daily Chart | MacroTrends
佢個圖表只倒數到十年,但係下面有一個每年油價表,數據去到1987年
再之前嘅歷史高位,(無記錯嘅話)應該係70年代尾、80年代頭,42蚊一桶
386和883進入價值區,2萬點還是鐵底,值得入第6注。
Thanks, Toffee
大戶兄: 五爺, 國獸---->雙鬼拍門........
袋鼠兄:
袋鼠昨天您轉發嗰張全球疫症增長圖表,我發現一件事幾特别。
我發現冠狀病毒竟然有一個特質:不論任何種族,人口總量,居住密度,生活社交習慣,病毒的增長率竟然都差唔多!?
您話奇唔奇?
唔通前主席暗中返咗來?
近日5號仔鐵粉好想買, 又築起血肉長城........
又向20樓世界出發
將軍, 救我 .....
小五會唔會33再現?
亨爺: 386進場了嗎???
大戶兄: 勿慌. 405重有3個幾......
有危又有機⋯⋯
DLLM⋯⋯
// ..... 很多人將會破橙 ..... //