(河馬仔賽馬專欄)2020/03/29

兩季累績 : - $270004

(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)

冷冷清清，其實賽馬的氣氛已好淡，但刨馬仍是繼續呢。

3「艮志騰雲」雖然隻馬曾斷課期，但潘頓一年內也鮮有如此理會此駒，當然今次報名意欲相當明顯，斷課後兩課閘其實感覺隻馬有點減燥，特別是復課後一閘雖然包大尾但其實隻馬識得追回轉頭，感覺近期有點變化，再加上當時潘頓連隻「場場精綵」都唔試都要試此駒，今場對手又真的底牌盡現，應該有心交代。

8「威威心得」此駒雖然前景欠奉，加上重傷少工夫，但此駒程程不合，只有田草千二威力卻意外地好，講真呢場馬有幾多隻有能力可以大外疊後上迫近當年72分之「夏威夷」。轉倉後放上從化多時，但兩閘表現一改以往慢閘之樣子之餘，勁力不低，而也用上此廄幾出名的在從化快跳之後回港待機數日即跑，今場對手真係唔多未必冇野睇。

9「行星夢」講真隻馬上兩場唔係真係太證明有好大實力，而且開始慢腳之餘，上場對手其實也不強得怎麼樣，只是猶幸今場上場在有步速下識後追，今場檔位內移少少，而利敬國轉回莫雷拉也有表現居多，今場對手差到如此只能選此。

四重彩腳
1「團結精神」係知隻馬冇乜CHANCE，但要慎防萬一「艮志騰雲」變成跟前而非放頭的話，佢可能捱到一席。
7「有視力」隻馬在外地非一定要如上次般跟到咁前，而泥地有可能唔合此駒腳法，晨操跳落不算差，會否跑草地會有點不同，而上次計前速比「天地人」其實高不少，今次如「天地人」強行要再擺前點有可能有得檔，係一隻有變身條件之不明物體。
11「樂盈盈」上場出閘其實順滑不少，跳程千六當然惡跑，但回來千二有好檔之下，會否有經驗下近點點呢，因為此駒在外地跑千四直路中置衝上贏得幾清脆，當然馬仔細細確是問題，但好過望堆老馬。

其他
「健康美麗」上場其實起步後連快都快唔到，可能贏個一場已用力好多，而今次晨操部署亦不似以往先去從化然後回來又騎師踱一課，又或試草閘，而此廄用輝近乎全冇。「天地人」上場泥地入彎湧一下以為有PLACE，結果一滴都冇，隻馬仲要返田草，可能等減多幾分回谷草穩陣。「世紀舞王」外地用得極多，而且來港後又是停一輪才跑，閘唔算太差但出閘一下唔太爽，不如先看一場較好，有可能是谷草好手。「勇敢皇者」速度都冇乜。「成才」原本在千四有R1都要走來跑，前兩仗個種失望真係得人驚。 「勁加加」本來可以一試，但停課一來都驚驚地之餘，賀紹配好的賽駒大多會有紹哥晨課試，今次未見有此動靜不如立心落班才博。


(河馬仔賽馬專欄)2020/03/29真投注紀錄