(河馬仔賽馬專欄)2020/06/14

兩季累績 : - $222029

(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)

今個馬季也差不多入到尾聲，但今個馬季真的長到好似跑了好多年般。

2「以戰養戰」雖然都知冇乜冠軍相，但都真係好少見到潘頓對一隻跑五次都贏唔到?H馬都咁留戀，雖然話今次都要放手，但此駒近兩次跑田草千二入圍眼見對頭馬冇乜符，但兩場皆遇極高步速。今次真的非常欠缺一隻田草千二放頭馬，此駒跑千二係有點能力擺前好多，而會否對呢隻一千嫌短，千二又長點點的賽駒來說，今次可能更好機會，不過此廄有表現之潘轉豐戰績極差，但此駒潘頓肯連跑五仗可能有點期待，隻馬回田草入個圍的能力應該仲有，至少呢兩場田草排檔都麻麻地。

4「風雨駒」可能真係一定要有遮擋先得，講真隻馬未必好超，可能要贏馬只能靠頓哥守極好位轉彎推到尾，今次轉個配備都真係可能變到身，誠意算幾足估計在呢個分區有一定能力。

11「鎮山寶」估計有點身體有點潺，今次復課見踱後又游兩日水，此駒上場散出外檔諗住必食無疑，可惜被大隻的「競技勇士」力壓慘敗，今次續用拉叔估計可能博多一鋪左右，機會唔多就算晨操有疑局要了。

四重彩腳
7「眾歡笑」今次就真係真正試驗，一係上場一檔好易守好位，之前兩場四班其實超級好追，今次排外檔又未必有隻典型放頭千二快馬，話輸就唔見得，但點跑才好就幾大問題。
9「加州更好」隻馬當然未足，但同主個隻有泥地跑，呢隻走過來田草千二，雖然排檔極差，但如果今場真係冇馬放頭，呢隻來呢度如立心放頭，博一席又真係未必唔得。
10「陽剛武士」終於棄哂所有配備，如單計上場出閘論盡，但事實在轉彎時曾一度迫過隻「輝煌芯」，算係有番少少走勢，是實上此駒大細閘冇咁搶，一樣配備都冇可能隻馬開始識得放璧跑。

其他
「揚帆順風」頗為慢腳，晨操隻腳都係跳得高一點，但論型格唔差，下年可能更好。「金融才雋」母系極優，但隻馬落腳有點慢，而下年會否回希斯懷抱就未知，但如未來再成熟跑長一點應是良駒一匹。「世紀舞王」上場話輸近一點，但又真係好均速冇乜後追力。「開心財星」隻馬仲係有點神經質，又未太夠速度。「開心人生」上場增程係直頭差到得人驚，今場縮程本來好，但其實近幾場對手皆有高速快馬如「大俠士」，「美麗友盈」「團結精神」「合衷共濟」等駒，今次又外檔又未必遇到好步速，再加上上場大敗之下更感疑慮。「雷公鑿」跑田草千二本來都諗，但此駒跑千四狂放一場事實唔係放到好快，跑千二田草又真係太促，本身後追力現在又未見好強，未必係「佳運來」。

(河馬仔賽馬專欄)2020/06/14真投注紀錄