樂善堂關愛慈雲山長者 上門派食物包助老友記避疫
2020/07/29 04:12:13 網誌分類: 生活
疫情好嚴重,慈雲山中招者多,部份公屋長者足不出戶,家中糧食緊絀,九龍樂善堂由上周五起,受民政事務總署委託,派出工作人員,向黃大仙區慈雲山慈正邨、慈民邨、慈康邨、慈樂邨同牛池灣彩輝邨嘅獨居長者或雙老家庭派送食物包,至少派出逾三千個食物包,Kelly知道好多長者收到之後都笑逐顏開,唔單止有物資,最緊要係有人關心佢哋。
據九龍樂善堂話,食物包內有米、米粉、燕麥片等適合長者食用嘅食物,足夠長者至少四日嘅食用份量。小妹呼籲公眾喺疫情下多關心長者,睇吓佢哋有乜需要,及時伸出援手。
Kelly Chu
■工作人員上門派食物包,長者收到後都好冧呀!
回應 (0)
我要發表