河馬仔河馬仔
河馬仔河馬仔
河馬仔河馬仔

(河馬仔賽馬專欄)2020/10/11

2020/10/11 02:17:30 網誌分類: 賽馬
11 Oct

三季累績 : - $175639

(以下分析只是河馬仔個人觀點,注數只是河馬仔自己會買的,僅屬參考而已,賽馬沒有必勝,絕不可以孤注一擲或投注過度。)
今次就揀早點場次的第七場,即三班千二米的其中一組。


第1選
6「醒臣」雖然未真正在草地有過表現,但就算呢隻馬幾明顯未必係質素極高馬之馬匹都好,上場表現係與再之前一樣唔同,就係隻馬識得追馬之外,仲要係在最後一百被過之後居然識得再追回差點勝出。而此駒耐性增強不少,又冇上年咁急,今場快馬多到得人驚,佢賽後重養怕瘦,上年初出未夠跑田草直路亦可,趁銳今月又冇田泥千二如識跑應該夠用。

第2選
4「悅跑得」上場如果衝得順的話是否真的可以贏到就不得而知,但明顯地係有進步表現的,而事實此駒現時最有力都係留後追,今場真係喜遇多典型快馬,而頓哥以前已對此駒頗熟,當然今場個檔有點外係有點難度,不過以此駒之能力,以及晨操定了好多仍未可棄。

第3選
3「醒目勇駒」上場就算狀態明顯欠佳,但跑法感覺仍是水準以下,此駒要有遮擋及等到轉彎尾發力才佳,而本身田草千二為最佳出路,就算谷草贏個兩場都好都係難在直路拿得準。上場未入彎又岳頭又走哂,直路時反手用鞭不少,今次就算外檔但快馬極多,如立心在後力追的話,就算狀態未算十足,但以上年最後一場近乎內欄極劣勢的情況下差點贏到「寶成智星」的話,呢個分仲可能有位置機會,至少都係極準路程。


四重彩腳
1「輝煌芯」實際會好惡跑,但勉強有十磅減之下,都仲可以望樂仔有唔同發揮,不過今場快馬一多佢其實冇慢放機會的。
8「南區有」本身隻馬幾有名氣,來港最尾兩課的確吸引,不過此駒在外地跑及試閘都係有一大疑問,就係此駒係跑心情,佢可以放頭大勝,又可以大外疊後上大勝,但試過轉大場跑到最後三百已大敗而回,之前有次直路試閘也有此現象,今次一檔加上隻馬大隻又唔快,放唔出會唔會不利馬群內發攝就不得而知,而此廄都唔等拉叔就急出有點奇怪,是否熱身一場確不能斷言,始終此廄用紹哥冷P就有,但贏馬呢兩年就唔多覺。
9「活力勇士」唔係之前暑期停課早就博呢隻,黃生跑後上馬有能力,但此駒可惜停課後狀態又係有點疑問,而本身此駒跑田草千二數據不多,但之前曾在達叔大後上又塞之下差點在四班底入圍,今次對手係多,但如前面真係放得極急,入第四可能有機會。


其他
「合衷共濟」同上年比較係有點文靜,而上年最後一場復出已見吃力,今場內側好多馬焗放真係難度更高。「行雲流水」就算話上場放得快點點,但該場得一隻減磅的「嘉應精英」拍住放之餘,其實該場前領份子又唔係斷得好多,本身一隻千四放頭馬今場情況更差。「宜春輝煌」外地多場都係1-1-1-1之流,隻馬晨操條頸都唔鬆,可能又係起步狂放的一員。「嘉應精英」冇埋嘉熙的磅利,仲要對住更多快馬仲難搞。「好甜橙」連谷草都唔夠快,走來田草都係唔信了。


(河馬仔賽馬專欄)2020/10/11真投注紀錄
回應 (1)
我要發表
河馬仔河馬仔
河馬仔河馬仔 2020/10/11 21:31:33 回覆



2020/10/11「河馬仔賽馬專欄」,「醒臣」跑快兩步就有十萬,冇就乜都冇了。

是日 : - $18645 + $1980 = - $16665

累績 : - $175639 - $16665 = - $192304

user

最新回應

河馬仔河馬仔
河馬仔河馬仔 2021/04/11


2021/04/11「河馬仔賽馬專欄」,冇隻11號就全中收幾萬啦,真心灰,今次都係輸足半年後首次有錢收番少少了。

是日 : + $23267 - $18900 = + $4367

累績 : - $315193 + $4367 = - $310826
河馬仔河馬仔
河馬仔河馬仔 2021/04/05



2021/04/06「河馬仔賽馬專欄」,中哂四重彩但要輸,以後唔買………………四重彩。

是日 : + $10821 - $16800 = - $5979

累績 : - $309214 - $5979 = - $315193

河馬仔河馬仔
河馬仔河馬仔 2021/02/14


2021/02/14「河馬仔賽馬專欄」,牛年中哂腳。

是日 : - $21000

累績 : - $288214 - $21000 = - $309214
河馬仔河馬仔
河馬仔河馬仔 2021/01/01

2021/01/01「河馬仔賽馬專欄」,2020輸到2021。

是日 : - $21000

累績 : - $267214 - $21000 = - $288214