河馬仔河馬仔
河馬仔河馬仔
河馬仔河馬仔

(河馬仔賽馬專欄)2021/05/23

2021/05/23 00:59:11 網誌分類: 賽馬
23 May

三季累績:- $303741


今次好耐都未揀過尾,即係第10場三班1200米賽事。

位置Q三馬膽
3「弛曜風」雖然今季真係仲未開糊,而且看似次次都冇乜對勝出馬匹產生到任何迫近,當然此駒早期用得勁盡,第一季掃到上86分贏埋最後一場後,去到二季已大不如前。幸好轉倉後減分季半,就算贏唔到都試過入圍之餘,之前亦曾交到少少前速。近兩場此駒明顯回到勇,大前場用「薛」基本上起步失機後,在最後照樣大後上之下,在讓「大紅蜂」 14磅之情況以及蝕外疊下所負不遠。而上場同樣起步失機,再加上「堯」未試此駒就跑,轉彎後在馬林找位上就真係相當不智,但都有個第四。此駒有內閃傾向,幾合「堯」個種飛出外檔轉彎的跑法,今場有經驗之下,如能順利轉出外疊狂衝,未必在「大紅蜂」之下。

4「大紅蜂」此駒相當怪腳,個種突然加速頗為少見,上場近乎在不可能之情況下力擒賺盡慢步速之「胆大威猛」,本身狀態重養保持,今場對手大多實力見盡或有待成長,如起步沒有大礙又好難唔要。

6「南莊之歌」上場跑法相當奇怪,本來出閘都同「二話不說」快,但又係咁扣住隻馬,走盡三疊之外仲要俾「大紅蜂」食埋自己個二置位,跟住又在彎前係咁跟番中前排,轉埋大彎仲頂到第三都真心算好野,今場快馬又係唔多,當然馬的班分幾盡,但望就望有狀態下仲有一兩分在手,捱到個第二三都唔錯咯。


後備位置Q馬
10「明欣賞」呢隻馬最睇唔透,雖然真係一隻三四班升降機,但此駒在今季三班跑田草1200米一場中,當時個檔都係外檔要焗留到最後,轉彎後一樣受制極慢步速下,99倍衝到個第五,而且仲有一樣相當奇係此駒久休上從化後的表現試過唔差,而且22號亦好少臨跑一日仲出大圈跳一段,以往甚少見,再加上要慎防如今場「大紅蜂」真係彈甩來贏的話,後面爭逐的馬匹有可能出現呢堆多數會衝的大後上馬,諗來諗去都幾驚呢隻入到圍。

其他馬匹
1「精彩勇士」雖然用到「頓」,但上年1200米入第三個場,後面堆馬如唔係有唔少擠迫,以及隻「悅驫」該場唔知跑乜咁,早就PLACE都冇。今季睇咁耐連跑田草直路1000米都好似見哂咁,上場比隻泥地馬「多多寶驥」咁都過埋PLACE都冇,就算今場可能賺慢步速,但今場排檔略外,除非入面堆馬真係快都唔快,感覺真係唔知佢有冇真係進步。
2「風雨駒」雖然同廄都有「頓」轉「明」的成功例,如「莫浪求」等等,但此駒就算落雨有助,但出閘都係唔多順之外,基本上谷草戰續遠較田草好,之不過上場「頓」騎的一場,守個位相當靚之下,居然大半條直路加唔到速,今年贏馬一場要用到「樂」減7磅去谷草博,今場就算檔好都好,對手唔係冇中堅田草份子下真心熱就唔抵。
5「電源之駒」隻馬都仲係急又多汗,上場起步唔快又附推上前,轉彎都散哂,可能都要等等時日。
7「美麗友盈」晨操係冇乜問題,但今季季頭去到「希」廄都近乎場場一PAT野咁,仲要唔駛一季就又轉走,上場轉倉後連放頭都咁困難,上年入圍個陣前一兩仗都有點走勢的,都唔知隻馬想點。
8「閃電俠」本身隻馬實力幾強,奈何健康不穩下戰鬥力亦幾近每況愈下,而此駒有一問題係停課後一場,如非開季頭場的話,通常會在水準以下,之不過今季就算復出第二場都好,都比以往的發揮弱,特別上場如非「莫浪求」「上駿之星」塞埋一舊,佢冇可能有第四的,今場之前曾有停課幾日,望季尾操練正常的話再吼可能更好。
9「勝意龍」此駒當然唔係大後上馬,但上場就算後追都係非常一般,而且隻馬晨操仲係條頸舉到好高,而此駒外地兩歲用左七場,唔知里程仲有幾多。
11「全勝神駒」隻馬在場中都幾難受控,經常轉彎中間就腳軟又飛出飛入,而本身此駒是長途類馬,但個口又咁飄,在外地無啦啦贏一場咁遠的來港都係要重新計計。
12「晉神」狀態唔差,但可能真係馬身細粒問題,谷草四班勝算高好多。
13「英明勇將」估計現時實力同「風雨駒」差唔多,兩隻馬互有勝負,又係出閘麻麻,而勝負關鍵係邊位抽內檔,特別跑田草,上次兩隻馬檔口對調跑同程下,明顯佢有內檔就算塞半條直路都好過「風雨駒」,但今次又檔外檔,本身隻馬都老,如回谷草外檔落四班要小心。


(河馬仔賽馬專欄)2021/05/23真金投注紀錄
回應 (1)
我要發表
河馬仔河馬仔
河馬仔河馬仔 2021/05/23 18:32:35 回覆



2021/05/23「河馬仔賽馬專欄」,捉到隻大冷馬入圍都要輸錢。

是日 : + $13358 - $18900 = - $5542

累績 : - $5542 - $303741 = - $309283

user

最新回應

河馬仔河馬仔
河馬仔河馬仔 2021/06/13



2021/06/13「河馬仔賽馬專欄」,今季都好冇乜機會輸少廿個樓下了。

是日 : + $1908 - $18900 = - $16992

累績 : - $16992 - $298033 = - $315025

河馬仔河馬仔
河馬仔河馬仔 2021/06/06


2021/06/06「河馬仔賽馬專欄」,揀冷馬失敗。

是日 : + $8692 - $18900 = - $10208

累績 : - $10208 - $287825 = - $298033
河馬仔河馬仔
河馬仔河馬仔 2021/05/30



2021/05/30「河馬仔賽馬專欄」,呢條中?H買大注就發達了,現在又只係執少少。

是日 : + $40358 - $18900 = - $21458

累績 : + $21458 - $309283 = - $287825

河馬仔河馬仔
河馬仔河馬仔 2021/05/23



2021/05/23「河馬仔賽馬專欄」,捉到隻大冷馬入圍都要輸錢。

是日 : + $13358 - $18900 = - $5542

累績 : - $5542 - $303741 = - $309283