大灣區航空制服曝光鄧達智：湖水綠難carry

2021/09/15 04:12:17 網誌分類: 生活

15 Sep

        　　計劃今年第四季開始營運嘅大灣區航空，公開全新機艙服務員制服，以湖水綠為主色，畀人眼前一亮嘅感覺。曾為港龍航空設計制服嘅著名時裝設計師鄧達智（William）認為，大灣區航空嘅制服比較淺色，都幾考驗空姐嘅身材。

        　　從大灣區航空公開嘅相片可見，制服以湖水綠為主色，配搭天藍色恤衫以及蝴蝶結領巾；設計為傳統空姐制服款式，包括連身裙、恤衫配西裙及西裝外套。

        　　William同Kelly講，制服設計合格，喺傳統款式，但天藍色等淺色衫比較「難carry」，幾考驗空姐嘅身材。而且，空姐工作繁多，淺色制服唔太保險，有污跡就好顯眼，加上一拎行李，恤衫就好易飛出嚟。佢認為，制服顏色可選用大方得體嘅深藍色，適合任何身材、膚色嘅員工；作為一家全新嘅公司，用色亦可以大膽、好玩一啲，嘗試一下撞色。

        Kelly Chu