【零食健康化】Market Play By Uncle Ray

2021/11/26 04:14:23 網誌分類: 生活

26 Nov

每個年代都有屬於自己嘅年代記憶，零食亦唔例外，不同時期有不同嘅代表，睇睇以下零食你試過未呢? 要盤點香港經典零食，又點可以唔提長春嘅大白兔奶糖呢！打開外邊印有大白兔嘅包裝紙後，又會見到一層薄薄兼半透明嘅紙包住粒糖，令人有想搣走佢嘅衝動(失敗率達九成九，想尋找挫敗感嘅朋友可以一試);它其實係可食用嘅糯米紙，入口即溶外亦成為標記之一。大白兔奶糖充滿濃濃嘅奶油香，令人食完又想再食。零食除咗食之外，仲可以玩，好似8字形狀嘅眼鏡朱古力咁，兩邊圓圈中間空心，只要將橡筋縛喺朱古力嘅兩邊就可以變成眼鏡扮超人。仲有白啡兩色呈長條形嘅結連軟糖、戒指糖、芝士圈、叮叮糖、媽咪麵等等。

時至今日，零食嘅種類越來越多，市場越做越大，消費者要求亦越來越高。除味道口感外，食得健康都好重要。零食健康化已成為趨勢，食物素材，所含成份包括卡路里、鹽份、糖份、MSG、防腐劑、反式脂肪等成為消費者嘅重要考量。為咗滿足大家心靈及健康上嘅需要，Jetso App Shop X Eat Better Kitchen推介香港製造嘅健康純素零食，不含MSG，防腐劑，無精製糖等。其中杏仁餅更榮獲2020亞洲天然及有機博覽「最佳素食產品」大獎。

回應 (0)

我要發表

【零食健康化】Market Play By Uncle Ray

網誌分類

最新網誌

月曆