姻緣錯配
2008/06/19 00:00:00 網誌分類: 生活
本來，八隻貓中，牠和米米是當時唯一兩隻未絕育的，以為順理成章會搞埋一齊，但原來貓都會揀擇。米米猛追小襪，可小襪卻不斷對高大威猛的阿Kidd拋媚眼，好幾次搞得阿Kidd火了，張口便咬小襪的頸。
直到今日大家都做了絕育，情況依然沒有變，米米常對着小襪嗚喵嗚喵的叫，小襪不理有沒有結果，依舊在阿Kidd身旁轉，直到阿Kidd發惡把牠打走，而阿Kidd又只肯親近小Miu……每次阿寶欺負牠，阿Kidd就如「大佬」般鋤強扶弱。
在貓的世界，姻緣一樣會錯配，貓有死心眼的，也有只看外表不理外強中乾的，跟人唯一的不同，是貓不會記恨，今日你不喜歡我，就明天再試囉。
關慧玲
nil:
07/07/08是[無國界醫生日]這天捐一天人工幫助第三世界國家.Thanks!!
To Ms. Kwan
歡迎到我blog看公主fighting
http://hk.myblog.yahoo.com/iam-sweetding
To Ms. Kwan,
蕃薯一日2餐減肥乾粮(由細到大), 冇宵夜, 冇零食, 冇加底, 每日都有跑步(屋企+門口走廊), 食嘢定時, 如果我唔準時比嘢佢食,我就會受到佢嘅家法侍候, 但都唔明白點解會咁肥?
to catcat,
嘩，蕃薯真係好肥呀。佢一日食幾多餐??咪食窮你?
To 奶奶sammi,
哈哈~~~~~
to cat cat:
蕃薯竟然咁大膽會用家法對你
!!!! 仲要涼冷氣添!!!! 我屋企果2隻龍貓,B仔係我由佢細細個BB時揍到依家,之後同佢娶左個老婆,叫PINKY,B仔好錫PINKY架,除左每日食完野會咀咀佢之外,有時PINKY口痕成日咬野,佢仲要係咬個玻璃菇菇屋,我驚佢整親個咀,就會打開個籠打佢個咀仔,B仔見我打佢老婆,佢會"吱吱"聲鬧我架.....衰仔!
奶奶SAMMI
To 奶奶sammi,
佢叫蕃薯, 我每日放工佢就會四腳朝天, 話比我聽要開冷氣同好肚餓.......
如果唔理佢又要家法侍候.......追住咬我小腿~~~~好痛!
cat cat,
你隻喵喵好攪笑
奶奶sammi
掃食貓
喺佢字典裏面, 所有食物都係有營養嘅......
奶奶sammi,呢個名我幾鍾意.......
我係公司係一個clerk仔,但返到屋企我通常會有2個身份,第一個係全能超級家務助理,而第二個就係"經理"喇,意思係咩都要"經"我去"理",如果你問我係唔係樂在其中....一時時啦,你知啦,每當返到屋企,如果果日唔駛換完d經理既"屎片"之外(基本上我會隔日清理,鼠科動物唔同喵喵/狗狗),又唔駛拖地,咁我基本上都會好快攪掂d野,但係如果好似今日咁,每逢星期4,我除左要係屋企大掃除之外,仲要包住條頭巾好似一個大嬸咁拖地吸塵,攪掂晒到真真正正停手果刻,係未計食飯喎,都差唔多8點幾lu,所以.....通常我會用呢個理由,比自己逢星期4既大掃除日唔買"送"煮飯,攪掂晒董事總經理....我會拎起個電話叫外賣架....哈哈!
我都想學下你咁,upload下d董事總經理既相去比fd睇,不過可惜我未整好部機,要等個fd係大陸做完野返香港再約時間先可以整到,其實仲差少少,上次整過,未有零件o者,要整其實可以好快.
我有養貓架,不過係龍貓囉....哈哈,佢地好得意架,2公婆,食飽會親親咀仔,冬天天氣好凍時,老婆仔pinky通常都會撻係老公仔b仔個pat pat度訓覺,唔知係唔係特別香d既咩...哈哈,我好留意你個blog,我會成日上黎吹下水,講下d"屋企人"架喇!
to 奶奶sammi，
多謝捧場。我除了逢星期四在頭條見報外(聽講下星期會轉星期五刊登)，網上我會得更快，兩三日左右就會upload新相。
作為全能家務助理認真不簡單，我好明白那種萬大事都關你事的那種狀態，但你樂在其中，是嗎?你沒有養貓?呀，不過你有魚又有老鼠，睇怕暫時都幾難了。等閒多啲來chat吓啦。
Hi, 又係我, 我係3隻鼠科動物(B仔,Pinky&阿花)既奶奶SAMMI
你好呀,我知道你憑星期4先會係頭條登D貓貓既生活片段,不過我就日日都會係辦公時間上網去貓私語度睇D至ｕｐ ｄａｔｅ既回應,見到咁多貓貓,其實真係好開心,你呀,我係用辦公時間,因為我屋企部電腦死左,要整番都要一段時間,我係公司做ADMIN,但返到屋企就會變左一個不折不扣既全能超級家務助理,除左要照顧咁多個"主席"即係D鼠科動物,一缸魚同2隻龜之外,我仲要照顧埋個慈禧太后(即係我個女)哈哈,整番個電腦,睇怕都要半夜先可以上網,......希望個朋友,快D上門幫我整番好部機啦,唔駛我日日返公司做私人野,一唔覺意真係比人炒尤都似.