KellyChu - 網民詳列港九新界花蹤滿城「台灣相思」披金衣｜Executive日記

2023/04/22 03:18:22 網誌分類: 生活

22 Apr

鍾意賞花嘅人要留意了，因為金黃色嘅「台灣相思」小花，已經盛開啦。網上近日有好多人分享「台灣相思」嘅美拍，可見黃色絨球小花開滿枝頭，春風吹拂下，飄來陣陣幽香，Kelly都要計劃一下賞花行程。

「台灣相思」樹噴泉般冒出點點鵝黃，黃色絨球小花炸滿一樹，山頭路旁湧現金黃花海，絕對係打卡嘅好選擇。有網民更整合「台灣相思」喺香港開花嘅地點，包括舂坎角公園、京士柏休憩花園、九龍仔公園、屯門公園、南山燒烤場和南山營地，食住BBQ賞花，簡直係人生一大享受。

根據康文署資料，「台灣相思」喺數十年前引進香港，被廣泛種植於郊野公園和市區公園，作綠化之用。而香港就有3種常見相思樹，一般4月開花。要分辨3種相思樹好簡單，最容易方法就係留意葉片大小，最闊大就係「大葉相思」，其次係「耳果相思」、「台灣相思」則最狹小。
Kelly Chu