KellyChu - 迪士尼公開吸客秘技 着重遊客體驗善用社媒 | Executive日記

　　香港迪士尼樂園去年業績大反彈，到底用咗咩方法成功吸客呢，香港迪士尼樂園營運經理梁偉豪（Ricco）及香港迪士尼樂園度假區市務總監陳佩珊（Sam）分享指，樂園着重好客之道，加上獨有嘅遊樂體驗，令旅客樂而忘返，團隊更善用社交平台宣傳，讓大灣區粉絲緊貼樂園最近動態，解鎖遊玩攻略。

　　Sam解釋道，現時旅客嘅行為和習慣，比疫情之前有明顯變化，內地旅客通常有目的地入園，事先已經mark定要打卡嘅地點，亦會悉心裝扮，穿上迪士尼主題服飾拍照留念，同時佢哋追求一站式創新、貼心嘅體驗，會預先安排行程或預訂尊享體驗。

　　Ricco指出，魔雪奇緣世界自去年11月開幕後，吸引世界各地旅客前來朝聖；「Duffy與好友同萌遊」自4月推出以來非常受歡迎，每日都有大批粉絲排長龍與Duffy影相打卡。樂園也持續推出不同精彩體驗給旅客，包括目前於小鎮廣場上演嘅全新「唐老鴨生日大街舞步」，以及夏日主題活動之一嘅「Pixar水花大街派對！」

KellyChu