KellyChu - 電車夥星宇航空推Snoopy叮叮　空姐空少為你服務 | Executive日記

　　由台灣星宇航空營運嘅香港台北航線，喺7月16號正式啟航，星宇航空同香港電車仲準備咗一系列嘅合作活動慶祝。由即日起至9月30日，乘客可以搭星宇航空主題電車遊港島，叮叮上面配有可愛嘅Snoopy（史努比）角色（見圖），非常cute！

　　嚟緊7月20號仲有「一日星宇電車全景遊」快閃活動，踏上仿1920年代開放式設計嘅電車，享受一小時由上環至銅鑼灣嘅觀光之旅。到時車上仲會有專業嘅空少同空姐為乘客服務。沿途除咗靚景外，仲可以享受「星宇特調」同埋機上點心，更有機會獲得獨家禮物和紀念乘車證。

　　慶祝活動又點止咁少，只要透過Instagram REELS記錄低自己乘搭星宇航空主題叮叮，即可有機會贏得星宇航空來回香港至台北機票。活動詳情留意星宇航空及香港電車官方專頁公布喇。

KellyChu