KellyChu - 多啦A夢無人機「安歌」 7‧20維港再匯演 | Executive日記

　　小妹又為帶嚟好消息，知道大家意猶未盡，多啦A夢無人機匯演會再加場，7月20日喺星光大道近尖東嘅維港上空，舉辦第二場匯演！主辦單位話，今次會加入全新精彩內容，1000架無人機將化身為各式各樣嘅經典多啦A夢場景同造型，屆時部分星光大道亦會化身成不同免費戶外展區，並實施單向人流管制。至於建議觀賞地點等詳情，之後再同大家公布！

　　因應7月天氣變化較大，主辦單位呼籲市民，留意官網同社交平台最新公布。另外，7月13日展開嘅《100%多啦A夢&FRIENDS》巡迴特展，會豎立全球最高達12米多啦A夢充氣雕塑，仲有免費參觀嘅「100%多啦A夢戶外展區」。不過小妹提提大家，現場不設輪候入場，記得7月9日中午12時起，透過網上系統預約喇！

KellyChu