KellyChu - 張家朗花劍全球排第三位 江旻憓穩踞重劍一姐 | Executive日記

國際劍聯(FIE)公布最新世界排名，本港女子重劍「世一」江旻憓（Vivian）仍穩站一姐地位，「劍神」張家朗喺男子花劍排名微跌一級至第3位。最驚喜係準奧運男子重劍代表何瑋桁（Cedric），受惠亞錦賽「封王」，世界排名由原來嘅100位，躍升至個人新高第26位，有利巴黎奧運抽籤。

　　巴黎奧運劍擊個人賽項由34至37人不等，以直接淘汰制進行，排名較低嘅劍手要由64強打起，排名前嘅可喺64強輪空，直入32強，新任「亞洲冠軍」Cedric預計自己可以首圈輪空入32強。佢話自己之前對巴黎奧運嘅目標係8強，直言希望有機會突破呢個目標。

　　同樣可於巴黎奧運個人賽首圈輪空嘅亦包括女重一姐Vivian，以及衛冕兼金牌選手張家朗。二人雖然分別喺上周亞錦賽8強及16強出局，但對佢哋嘅排名影響不大。

KellyChu