KellyChu - 「町田商店」落戶啟德　招牌橫濱風味拉麵 | Executive日記

　　政府投資推廣署落力招商引資，嚟自日本禮品控股公司嘅拉麵品牌橫濱家系「町田商店」，昨日正式落戶香港，選址九龍啟德Airside。「町田商店」將採用日本直送食材，為大家帶嚟地道嘅橫濱風味拉麵。

　　禮品控股公司常務副會長笹島竜也話，香港店嘅內部裝潢有略微改變，營造獨有氛圍之餘，菜單也稍作調整，以迎合本地顧客口味，又表示佢哋首要任務係向香港顧客提供招牌橫濱家系拉麵，拉麵由濃稠嘅豬骨湯、獨有調製醬油和自家製作粗麵條炮製而成，相信可藉香港店向世界，尤其東亞地區推廣橫濱家系拉麵文化。

　　投資推廣署指，禮品控股喺去年4月參加由東京經貿辦和投資推廣署合辦嘅日本飲食業考察團，親身了解香港營商機遇後，決定落戶香港。助理署長蔣學禮博士表示，好高興見到考察團得到成果。

KellyChu