KellyChu - 久石讓全新專輯面世　齊接受動人旋律洗禮 | Executive日記

　　Kelly好鍾意聽中提琴，它不似小提琴，可以引吭高歌直上雲霄，反而像女中音，聲線溫柔厚潤，特別容易感動到小妹。最近知道日本音樂大師久石讓推出新專輯《Joe Hisaishi in Vienna》，當中有一首原創中提琴協奏曲《Viola Saga》，由當代中提琴大師Antoine Tamestit擔任獨奏，佢所使用嘅樂器大有來頭，係意大利製琴大師Stradivari，現存已知最早製的中提琴，有超過350年歷史，放入CD機播唱，音樂溫潤如玉，加上簡約主義音樂嘅不停變奏，琴音多變，真係好動聽。

　　同一專輯嘅另一作品《第二交響曲》，亦係久石讓嘅大型簡約主義交響曲，由佢領導維也納交響樂團喺金色大廳演奏，金色大廳出晒名音色華麗，加上樂團出色嘅演奏，又係一首簡約主義音樂嘅經典錄音，真係百聽不厭嘅傑作。

KellyChu