KellyChu - 「二十四橋明月夜」北丐洪七公最愛 鏞記射鵰英雄宴重現江湖｜Executive日記
2023/05/02 03:18:56
網誌分類:
生活
叫得奇宴，就一啲都唔簡單。之前只有1998年金庸同鏞記喺台北擺過一次，上個星期五小妹終於見識到。金庸當年搵鏞記將射鵰英雄傳小說裏面嘅菜式，由廚藝高手煮出嚟，化成真實中食桌上嘅美餚。今次加咗金庸生前提議加入嘅新菜，就係鏞記嘅招牌燒鵝，大師當時仲親自為呢道菜起名，叫「天鵝飛臨白玉柱」。仲有一道「二十四橋明月夜」，金庸視之為射鵰英雄宴嘅表表者，要喺一隻金華火腿上鑽24個小洞，洞內放入圓形嘅豆腐然後慢蒸，好考功夫，而呢道菜就係小說中黃蓉煮畀北丐洪七公食。
25年前嘅射鵰英雄宴，喺台北舉行，招待200位嘉賓，包括當時競選台北市長寶座嘅馬英九、陳水扁同王建煊，成為一時佳話。讓奇宴重現江湖，鏞記董事總經理甘琨禮好開心，話好多謝發起今次射鵰英雄宴嘅香港生物科技協會主席于常海教授。協會籌得25萬元，會用來資助在校研究生和初創生物科技公司。
甘琨禮仲回想返同金庸呢段珍貴嘅緣份，好似當年金庸同蔡瀾寫低給鏞記嘅心得、菜單、照片等，鏞記一直都保留，所以酒家同金庸一齊研究出來嘅「絕技」，得以一直傳落去。
Kelly Chu
■鏞記射鵰英雄宴的「二十四橋明月夜」，一捧出來，驚艷全場。
■鏞記射鵰英雄宴再現江湖，鏞記酒家董事總經理甘琨禮（右四）率夥計迎客。
回應
(0)
我要發表