牙痛慘過大病
2023/06/29 11:06:07
網誌分類:
生活
預約睇牙,終於今日見醫生,香港真係咩都缺,不管政府私人醫療服務,往往排期預約需時,搞到病者痛苦不堪,牙痛更加,每晚睡覺,都忍忍痛,導致睡眠欠佳,這個老牙醫,是台灣牙科畢業,但好有醫德,收費不貴,效果好,稍嫌粗暴些,沒現在後生那批比較柔和,但是可接受,可算快,靚,平,對我來說,最重要約期快,免耽誤,病情拖延。
今早第一個病人見醫生,所以最好,大家休息一個晚上,集中力更專注,檢查後,只是自己擦牙不得法,過大力,擦至牙腳蝕晒,所以痛,其他都沒問題,補了之後就走得,只收$350,真係咁既價錢,去那裡搵。姑娘話晚上沒太疼痛,就不用回來,否則致電約見醫生。
離開後去肯德家鄉雞食個早餐,放鬆一下,始終最怕就是坐上牙醫牀上,精神緊張,加上儀器的聲音,真係致命,今日無須介口,總之,一定要擦牙輕力,否則嚴重就得杜牙筋,痛苦就更多。
送上安慰星星。
祝花姐姐早日康復。
牙痛,不能睡,我領教過啦!
很苦啊!
我杜過一隻牙根,用了7500,算平,但要分多次去醫生度搞,麻煩,但可保留真牙,還是值得。
我因類風濕關節炎,所以口水較少,而容易蛀牙,但未有需要配假牙,只是修修補補,保全牙齒,因為配戴假牙,食野用唔到力,我都唔懂表達牙肉萎縮,因睇牙不算多,到現在老了,才比較有牙齒問題。
其實我都換左軟身牙擦好耐..而家D牙肉萎縮.成日寃痛.雖然冇左好多隻牙.还有牙可咬到嘢.所以去整假牙有D猶疑.
我都係.家人說刷牙要用力才對.甚至最緊要買硬身牙刷..後來我D牙甩下一隻甩下一隻.而家都就快吾見得人.去看牙醫衆口一詞都說我刷牙太大力.D牙薄晒.早3個月我去驗牙又話我冇註牙.但我前面倆隻門牙有黑点.牙E說是爛牙.佢話要杜牙根.但佢吾係呢科.都怕要去俾牙醫睇下点.