日日熱到跳舞

住新界真係冬冷夏熱，還比市區高2一3度，每日到4一5點，不開冷氣不成，加上有狗，見佢透氣非常速，就更加要開，免焗出病，睇獸醫比我地人類更貴，開左冷氣，自己都避免中暑，應用則用，全球氣溫都熾熱，大家應配合改善，愛惜地球，為下一代著想。雖然天氣熱，戴口罩辛苦，仍有好處，不必吸入上下班人多時的體臭，早一輪下雨連連，衣服曬不乾，就有異味，試過沒戴口罩，直接嗆到，所以在人多或公共車廂入面，絕對不除口罩。有些男女，都愛擦香水，可是較敏感的我，怕得要命，容易氣速或呼吸困難，特別一些鬚後水，更攞命，但困在車廂內，動彈不得，好不容易到站下車，連忙除口罩深呼吸，所以香水產品賺唔到我的錢，每次仔約女友出街，都擦少少香水，我就請他幫忙，出屋外面才擦，免得阿媽透唔到氣。現在雙方感情穩定了，再不用擦香水赴約，我就鬆一口氣。